Windows 11-ի խոշոր թարմացում՝ chatGPT-ով Bing, Snipping Tool-ով էկրանի ձայնագրում, թաբերով Notepad և այլն
Ամսաթիվ
Շաբաթներ առաջ Microsoft-ը հայտնեց, որ ներդնելու է chatGPT արհեստական բանականությունով աշխատող որոնողական համակարգը իր ծառայությունների մեջ: Վերջերս այս համակարգը հասանելի դարձավ Skype-ի, Edge դիտարկչի, Bing կայքի այն օգտատերերի համար, ովքեր փորձարկելու հայտ են ներկայացրել: Այսօր Microsoft-ը հայտնեց, որ chatGPT-ն ներդրել է նաև Windows 11-ի թարմացված տարբերակում: Հիշեցնեմ, որ նոր համակարգի փորձարկման համար կարող եք հայտ ուղարկել այս հղումով:
Windows 11-ի թարմացված տարբերակում հայտնվել են նաև մի շարք այլ նորույթներ: Օրինակ Snipping Tool գործիքում հայտնվել է էկրանը ձայնագրելու հնարավորություն, Notepad-ում հայտնվել են թաբեր, Phone Link ծրագիրը հնարավոր է նաև կպցնել iPhone սմարթֆոններին, թարմացվել են վիջեթները և մի շարք այլ կոմպոնենտներ: Փոփոխությունների ամբողջական ցանկը կարող եք տեսնել այստեղ:
