Նոյեմբերի 14-ին Երևանում տեղի ունեցավ Samsung Neo QLED հեռուստացույցների նոր մոդելային շարքի վաճառքի շնորհանդեսը Հայաստանում: Թվում է, թե արտադրողները հեռուստացույցների շուկայում այլևս սպառողներիս զարմացնելու քիչ շանսեր ունեն, սակայն Samsung ընկերությունը շարունակում է կատարելագործել իր հեռուստացույցներն ու դրանց մեջ ներդնել նոր տեխնոլոգիաներ:
Neo QLED նորացված մոդելային շարքն ունի պատկերի ու ձայնի բարելավված որակ, պրեմիում կարգի դիզայն և անհատականացման խելացի տեխնոլոգիաներ, որոնց շնորհիվ հեռուստադիտողները կկարողանան առավելագույն հարմարավետությամբ դիտել իրենց սիրելի ֆիլմերն ու հաղորդումները:
Հեռուստացույցները նախևառաջ հանդիսանում է ինտերիերի անբաժան մասնիկներից մեկը և կարևոր է, որպեսզի դրանք լինեն հնարավորինս բարակ և գեղեցիկ: Infinity One մինիմալիստիկ դիզայնով ստեղծված Neo QLED ֆլագմանային մոդելների կորպուսը չափազանց բարակ է, իսկ էկրանի մետաղյա շրջանակը հեռուստացույցին տալիս է պրեմիում դասի տեսք: Թարմացված Slim Fit ամրակը թույլ է տալիս հեռուստացույցը կախել պատից այնպես, որպեսզի պատի և հեռուստացույցի միջև տարածքը լինի հնավորինս քիչ:
Իսկ բարակ շրջանակով Slim One Connect բլոկի շնորհիվ կազատվեք խառնված լարերից:
2022թ. Quantum Matrix տեխնոլոգիան թարմացվել է հեռուստացույցի լուսավորության բարելավված վերահսկման Shape Adaptive Light Control տեխնոլոգիայով, որը տարածում է լույսը ցուցադրվող օբյեկտի ձևից կախված՝ անգամ ամենավառ տեսարաններում պատկերի լավագույն որակ ապահովելու համար: Neo QLED հեռուստացույցներում օգտագործվում է նաև Real Depth Enhancer նոր տեխնոլոգիան՝ ռեալիստականությունը բարձրացնելու և պատկերում խորության զգացում ստեղծելու համար:
Այժմ հեռուստացույցի տերերը կարող են ներբեռնել սմարթֆոնի Smart Calibration հավելվածը և դրա միջոցով ինքնուրույն արագ կարգավորել հեռուստացույցի գույները:
2022թ. Neo QLED հեռուստացույցներում կոնտրաստի մեփինգը նախկին 12 բիթի փոխարեն դարձել է 14 բիթ, ինչը թույլ է տալիս տեսնել ավելի լուսավոր և դետալիզացված պատկերներ:
Neo QLED հեռուստացույցի հզոր պրոցեսորը ապահովում է պատկերի ու ձայնի բարելավված որակ: Արհեստական բանականության տեխնոլոգիաների հիման վրա մինչև 4K և 8K պատկերի ինտելեկտուալ մաշտաբավորումը կատարվում է նեյրոցանցերի միջոցով ու թույլ է տալիս սիրելի կոնտենտը դիտել բարձր կետայնությամբ: Թարմացված պրոցեսորի շնորհիվ բարելավվում է կոնտրաստայնությունը, 4 անգամ մեծանում է ցայտունության մակարդակը և ապահովվում է գույնի 16 հազարից ավել գրադացիա՝ էկրանին ամենափոքր դետալները փոխանցելու համար:
Հեռուստացույցների նոր մոդելներում առկա է EyeComfort ռեժիմը, որը ավտոմատ կերպով կարգավորում է ցայտունությունն ու գունային տոները՝ օգտագործելով տարածքի լուսավորվածության և օրվա լուսային տևողության վերաբերյալ սենսորի տվյալները: Արդյունքում՝ օրվա ցանկացած ժամին հեռուստացույց դիտելիս նվազում է աչքերի լարվածությունը:
Թարմացված Neo QLED հեռուստացույցը Wi-Fi-ի միջոցով ապահովում է անլար Dolby Atmos, ինչը բազմալիք բարձրախոսների հետ միասին սենյակի ցանկացած հատվածում ապահովում է հագեցած ու ծավալուն ձայն:
OTS Pro (Object Tracking Sound) տեխնոլոգիան ապահովում է իսկական կինոթատրոն հիշեցնող իմմերսիվ ձայն: Այս տեխնոլոգիան էկրանի վրայի օբյեկտի հետ միասին «տեղափոխում» է ձայնը սենյակով մեկ՝ ստեղծելով կատարվող իրադարձություններին մասնակից լինելու տպավորություն:
2022թ. Samsung Smart հեռուստացույցները ստացել են Smart Hub թարմացված ինտերֆեյսը, ինչի շնորհիվ կոնտենտի որոնումը դարձել է ավելի արագ ու հարմար: Հեռուստացույցն աշխատում է Tizen օպերացիոն համակարգով:
2022թ. Neo QLED հեռուստացույցներում առկա է Multi View գործառույթը, ինչը թույլ է տալիս միաժամանակ էկրանի վրա ցուցադրել մինչև 4 տարբեր պատկեր 8K մոդելի դեպքում և մինչև 2 պատկեր՝ 4K-ի դեպքում: Սիրելի ֆիլմերն ու հաղորդումները դիտելիս Neo QLED-ի միջոցով հնարավոր է օրինակ միաժամանակ տեսաչաթով շփվել ընկերների կամ ընտանիքի անդամների հետ:
2022թ. Neo QLED հեռուստացույցներում ներդրված է տնային սարքավորումների կառավարման հաբն ու Samsung SmartThings գործիքը, ինչը թույլ է տալիս հեշտ ու արագ կառավարել «խելացի տան» լույսերն ու այլ սարքերը: Խելացի տան կառավարման SmartThings բջջային հավելվածը նույնպես ստացել է թարմացված ինտերֆեյս, որը թույլ է տալիս կարգավորել սարքավորման քարտը ինչպես սմարթֆոնից, այնպես էլ հեռուստացույցից:
Հեռուստացույցները նաև կարևոր բաղադրիչ են հանդիսանում խաղասերների համար և 2022թ. Neo QLED հեռուստացույցներում խաղերի համար առկա են մի շարք կարող եք վերածել գերլայնանկյուն խաղային մոնիտորի: Հեռուստացույցում ներդրված են ժամանակակից խաղային կոնսոլներում առկա պատկերի ցուցադրման HDR և այլ տեխնոլոգիաները:
2022թ. Neo QLED հեռուստացույցն ունի բավականին թեթև և պարզեցված հեռակառավարման վահանակ, որն աշխատում է արևային մարտկոցով: Այս վահանակը ղեկավարում է ինչպես հեռուստացույցը, այնպես էլ դրան միակցված մյուս սարքավորումները:
Թարմացված հեռակառավարման վահանակը կարելի է լիցքավորել անգամ գիշերը՝ շնորհիվ RF Harvesting տեխնոլոգիայի, որը կլանում է կենցաղային այլ սարքավորումների էլեկտրամագնիսային ճառագայթումները:
Հայաստանում Neo QLED հեռուստացույցների թարմացված մոդելային շարքը պաշտոնապես ներկայացված է տարբեր անկյունաչափեր ունեցող հետևյալ մոդելներով. Neo QLED 4K՝ QN90B, QN85B, Neo QLED 8K՝ QN900B,QN800B, QN700B:
Viber մեսենջերը ստեղծել է թեմատիկ ժամանցային և ինտերակտիվ գործառույթներ ֆուտբոլասերների համար՝ ֆուտբոլային հանդիպումների արդյունքները կանխատեսելու համար նախատեսված չաթ-բոտ, խաղային մեխանիզմով AR ֆիլտրեր և սթիքերներ։
Rakuten Viber-ը՝ անվտանգ հաղորդակցության և ձայնային հաղորդակցության համաշխարհային առաջատարը, հայտարարում է ֆուտբոլին նվիրված ինտերակտիվ և խաղային հնարավորությունների մեկնարկի մասին: Նոր գործառույթների թվում են չաթ-բոտը, լրացված իրականության դիմակներն ու ֆիլտրերը, սթիքերների փաթեթը, ինչպես նաև սպորտային ալիքներ, որոնց շնորհիվ կարող եք հետևել ֆուտբոլային ամենակարևոր հանդիպումների վերջին նորություններին։ Գործառույթները Viber-ում հասանելի կլինեն 2 ամիս նոյեմբերից սկսած։
Ֆուտբոլը աշխարհի ամենահայտնի սպորտաձևն է, որն ունի միլիարդավոր երկրպագուներ ավելի քան 200 երկրներում: Ի պատիվ ֆուտբոլի, որը միավորում է մարդկանց ամբողջ աշխարհում, Viber մեսենջերն արշավ է սկսել, որը թույլ է տալիս օգտատերերին հետևել սպորտային վերջին նորություններին։
Viber-ի 2022 Global Football Campaign-ը հավելվածի միլիոնավոր օգտատերերի թույլ կտա տեղեկանալ վերջին մարզական իրադարձություններին խաղերի կանխատեսման չաթբոտի միջոցով, որը երկրպագուներին կոգեշնչի փորձել իրենց ուժերը անձնական և խմբակային զրույցներում խաղերի արդյունքները կանխատեսելիս:
Ֆուտբոլասերներին առաջարկում է՝
Ընդլայնված իրականության դիմակներ և ֆիլտրեր
Viber-ը թողարկել է երկու AR ֆիլտրեր՝ գոլի տոնակատարության և ֆուտբոլային շրջանակով:
Խաղարկային AR ֆիլտրեր
Մեսսենջերում կան նաև երկու խաղային մեխանիկայով զտիչներ, որոնք թույլ կտան օգտատերերին փորձել գոլ խփել կամ տեսնել, թե քանի անգամ կարող են գլխով հարվածել գնդակին:
Սթիքերներ
Սթիքերները ներառում է ֆուտբոլային թեմաներով պատկերներ և արտահայտություններ, որոնք հասանելի են անգլերենով և 18 այլ լեզուներով, այդ թվում՝ հայերենով:
Ալիքներ
Երկրպագուները կկարողանան հետևել իրենց սիրելի թիմերի վերջին նորություններին տարբեր սպորտային լրատվամիջոցների միջոցով:
«Ունենալով այդքան շատ ֆուտբոլասերներ ամբողջ աշխարհում և հաշվի առնելով Viber-ի մեծ լսարանը, ցանկանում ենք, որ մեր օգտատերերը կարողանան հնարավորինս զգալ սպորտային տոնի շունչը՝ միևնույն ժամանակ մշտապես կապի մեջ լինելով միմյանց հետ: Մենք ուրախ ենք մեր օգտատերերին առաջարկել բազմաթիվ հնարավորություններ և ինտերակտիվ բովանդակություն»,- մեկնաբանել է Rakuten Viber-ի թիրախային շուկաների զարգացման ավագ տնօրեն Աթանաս Ռայկովը: «Viber օգտատերերը կկարողանան տոնել սիրելի ֆուտբոլային թիմերի հաղթանակները ընկերների, ընտանիքի և գործընկերների հետ: Հանդիպումների արդյունքների կանխատեսումներով կիսվելը, խաղի վերջին հաշիվն իմանալը կամ համաշխարհային առաջատարների աղյուսակն ստուգելը նույնքան հեշտ կլինի, որքան Viber հավելվածը բացելը»:
Հայաստանի բանկերը օրեր առաջ Ֆեյսբուքի էջերով մի քանի գրառումներ արեցին, որոնք ակնարկում էին Գուգլի ծառայության մասին: Այն ժամանակ պարզ դարձավ, որ Google Pay (Wallet) ծառայությունը շուտով հասանելի է դառնալու նաև Հայաստանի օգտատերերի համար: Այսօրվանից արդեն Google Play-ից հնարավորություն կա ներբեռնելու Google Wallet հավելվածը:
Որոշ բանկեր նույնպես այսօր հայտնեցին, որ իրենց քարտերը կարող եք ավելացնել Google Wallet-ում և POS տերմինալներում վճարումներ կատարել Անդրոիդ սմարթֆոններով կամ Google Wear OS համակարգով աշխատող սմարթ ժամացույցներով: Google Wallet-ով կարող եք նաև ձեր սարքերի միջոցով գումար կանխիկացնել բանկոմատներից: Google Pay-ով կարող եք նաև համապատասխան կայքերում օնլայն վճարումներ կատարել:
Չնայած Google-ի պաշտոնական կայքում դեռևս գրում է, որ Հայաստանում այս ծառայությունն անհասանելի է, այնուհանդերձ հայտնվել է մի աղյուսակ, որտեղ գրված են այն բանկերի անունները, որոնք արդեն ակտիվացրել են Google Pay-ը: Նշեմ, որ ցանկից բացակայող Ինեկո բանկը նույնպես օրեր առաջ հայտնել էր, որ շուտով իր քարտերը հնարավոր կլինի կցել Google Pay-ին:
Վերջում ներկայացնեմ այն բանկերի էջերը, որտեղ ներկայացված են Google Pay-ի մասին տվյալներ:
Picsart ծառայությունում հայտնվել է արհեստական բանականությամբ աշխատող նոր գործիք, որը գեներացնում է լուսանկարներ ըստ նկարագրված տեքստի:
Այս նոր գործիքն անվճար հասանելի է որոշ երկրների iOS հավելվածում, ինչպես նաև Picsart-ի վեբ տարբերակում: Մոտ ապագայում այն հասանելի կլինի նաև այլ պլատֆորմերում:
Նշեմ, որ գործիքով հնարավոր է գեներացնել ոչ միայն լուսանկարներ, այլ նաև ֆիլտրեր: Օրինակ կարող եք գեներացնել «լղոզված» ֆոնով լուսանկարներ (panda wearing glasses bokeh):
Այս գործիքի կողմից գեներացված որոշ լուսանկարներ կարող եք տեսնել պաշտոնական կայքում կամ փորձեք ինքներդ գեներացնել ձեր երևակայության մեջ եղած նկարը:
Չինացի ինժեներներից մեկին հաջողվել է իր iPhone 13 Pro-ն դարձնել ծալվող: Սմարթֆոնը ստեղծելուց հեղինակն օգտագործել է Moto Razr 2020-ի որոշ մասեր, ինչպես նաև օգտվել է 3D տպիչից: Հեղինակն այս նախագծի վրա աշխատել է մոտ մեկ տարի և պրոցեսը տեսանկարահանել է:
Թողարկվել է tlgrm.am կայքը, որտեղ մեկտեղ են հավաքված Տելեգրամում առկա հայկական ալիքները: Այս կայքում ալիքները բաժանված են ըստ բաժինների, ինչը ավելի է հեշտացնում գտնել անհրաժեշտ թեմայով ալիքը: Հնարավորություն կա նաև որոնել ըստ ալիքի անվանումի:
Tlgrm.am կայքում կարող եք տեսնել նաև «Վերջին ավելացված», «Ամենաշատ բաժանորդներ ունեցող», «Ամենաշատ նոր բաժանորդ ունեցող», «Ամենաշատ բաժանորդ կորցրած» ալիքները, ինչպես նաև Տելեգրամյան հայկական խմբերը: Հնարավորություն է տրվում նաև առաջարկել ալիք կամ խումբ, որը չկա ցուցակում:
Tlgrm.am կայքը օգտակար գործիք է նաև ալիքների ադմինիստրատորների համար, ովքեր կարող են տեսնել իրենց կամ այլ ալիքների հետևորդների քանակի վիճակագրությունը:
Microsoft ընկերությունը թողարկել է PowerToys ծրագրի 0.64 տարբերակը, որտեղ հայտնվել են երկու նոր օգտակար գործիքներ: Առաջին գործիքը կոչվում է File Locksmith: Այս գործիքը ցուցադրում է Windows-ի պրոցեսները, որոնք տվյալ պահին օգտագործում են և արգելափակում են նշված ֆայլը: Օրինակ, եթե ցանկանում եք ջնջել որևէ ֆայլ, որը տվյալ պահին օգտագործվում է ինչ-որ պրոցեսի կողմից, ապա Windows-ը թույլ չի տալիս ջնջել այդ ֆայլը: Գործիքի օգտվելու համար բավական է նշել ֆայլը (ֆայլերը) կամ թղթապանակը և բացված ցանկում սեղմել What's using this file? կոճակը: Այնուհետև կցուցադրվեն արգելափակող պրոցեսները, որոնք կարող եք դադարեցնել անմիջապես այս գործիքում: Այս գործիքը փաստացի հանդիսանում է հայտնի Unlocker ծրագրի ալտերնատիվ տարբերակը
PowerToys-ում հայտնված մյուս օգտակար գործիքը կոչվում է Hosts File Editor: Անվանումից արդեն պարզ է, որ այն նախատեսված է Windows-ի ծրագրային hosts ֆայլը պարզ ինտերֆեյսով խմբագրելու համար: Hosts ֆայլի դերակատարության մասին կարող եք կարդալ բլոգի հին գրառումներից մեկում:
Google ընկերությունը տեղադրել է Google Lens-ի նշանը Google որոնողական համակարգի գլխավոր էջի վրա, որի վրա սեղմելով հնարավորություն է տրվում վերբեռնել լուսանկարը կամ գրել դրա հղումը: Այնուհետև վեբ դիտարկչում բացվում է Google Lens-ի էջը, որտեղ ցուցադրվում է լուսանկարի մասին մանրամասն ինֆորմացիա և այդ լուսանկարին նման այլ լուսանկարներ: Google Lens-ի էջում հնարավոր է նաև թարգմանել լուսանկարի վրա եղած գրառումը:
Հիշեցնեմ, որ ոչ վաղ անցյալում Google-ը Chrome դիտարկչում փոխարինել էր լուսանկարներով որոնելու իր դասական գործիքը Google Lens-ով, երբ օգտատերերը աջ քլիք էին անում լուսանկարի վրա: Նշեմ, որ Google Lens-ը ներդրված է նաև Google Photos հավելվածում:
.jpg)
.png)
