Այս նոր անվճար օնլայն գործիքով հնարավոր է «կենդանացնել» նկարները:
Ամսաթիվ
MyHeritage կայքը թողարկել է նոր գործիք, որն արհեստական բանականության և DeepFake տեխնոլոգիայի միջոցով կենդանացնում է վերբեռնված լուսանկարները:
Այս գործիքի հիմնական նպատակն այն է, որպեսզի օգտատերերը «կենդանացնեն» իրենց հին ընտանեկան լուսանկարները (նաև պապերի ու նախապապերի):
Նշեմ, որ MyHeritage կայքը մասնագիտացված է ընտանեկան ծառեր ստեղծելու մեջ:
Գործիքով ստեղծված անիմացիաները շարժում են գլուխը, թարթում են աչքերը և ցուցադրում են կենդանության այլ նշաններ: Ստեղծված անիմացիաները հնարավոր է ներբեռնել ու օգտագործել այլ կայքերում (օրինակ որպես Ֆեյսբուքի անիմացիոն ավատար): Վերջում նշեմ, որ այս կայքում պահանջվում է գրանցվել և ստեղծված անիմացիաներն ու նկարները պահպանվում են կայքում: Ցանկության դեպքում կարող եք ջնջել ստացված արդյունքները:
