Playerunknown's Battlegrounds խաղի հեղինակները ստեղծել են նոր խաղ, որը կոչվում է PUGB New State: Խաղը տվյալ պահին դեռևս հասանելի չի, սակայն հայտնի են մի քանի տվյալներ: Խաղի իրադարձությունները տեղի են ունենում 2051թ.-ին:

Խաղի ֆորմատը չի փոխվել. 100 խաղացողներ քարտեզի վրա պայքարում են ողջ մնալու համար: Խաղում առկա են ֆուտուրիստական զինատեսակներ և տրանսպորտային միջոցներ (դրոններ և այլն): 

Խաղում նկատվում է նաև բավականին բարելավված ու իրականին մոտ գրաֆիկա: Խաղի քարտեզը բավականին մեծ է՝ 8 կմ քառակուսի: 

Տվյալ պահին Google Play Store-ում հնարավոր է նախապես գրանցվել խաղի համար, իսկ iOS-ում այն կավելանա շուտով:

«ВКонтакте» սոցցանցի Անդրոիդ հավելվածի ծրագրավորողներից մեկը GitHub-ում տեղադրել է HouseClub հավելվածի կոդը, որը փաստացի հանդիսանում է վերջերս աշխարհում մեծ տարածում գտած Clubhouse-ի iOS հավելվածի ոչ պաշտոնական Android տարբերակը: Հավելվածի apk ֆայլը հնարավոր է ներբեռնել և տեղադրել Անդրոիդ սմարթֆոնների վրա: Այս հավելվածում գրեթե առկա են բոլոր գործառույթները, որոնք առկա են iOS-ի պաշտոնական հավելվածում: Բացակայում է միայն «սենյակներ ստեղծելու» գործառույթը:

Clubhouse սոցցանցում առկա են թեմատիկ սենյակներ, որտեղ շփումը տեղի է ունենում աուդիո հաղորդագրություններով: Այս սոցցանցն առայժմ գտնում է փորձնական փուլում և օգտատերերը կարող են մուտք գործել միայն հրավերներով: Արդեն գրանցված օգտատերերը ունեն հրավերներ ուղարկելու հնարավորություն:

Ռուս երգչուհի Զեմֆիրան թողարկել է նոր տեսահոլովակ, որը նվիրված է Homescapes խաղին: Տեսահոլովակը թողարկվել է խաղի հեղինակների հետ համատեղ: Նշեմ, որ այս խաղը ստեղծվել է ռուսական Playrix ընկերության կողմից և բավականին հայտնի է:

arca.am հավելվածում և կայքում այսուհետ կարող եք կատարել և ստանալ փոխանցումներ էլ․ փոստի կամ հեռախոսահամարի միջոցով, առանց հասցեատիրոջ քարտի համարի մուտքագրման՝ գումար փոխանցելու և ստանալու հարցումներ ուղարկելու միջոցով։ Ծառայությունից օգտվելու համար Փոխանցել կամ Ստանալ կոնտակտներով բաժնում մուտքագրեք հասցեատիրոջ էլ․ փոստը կամ հեռախոսահամարը, նշեք գումարի չափը և ուղեկցող հաղորդագրությունը և սեղմեք ուղարկել կոճակը։ Հարցման հաստատումից հետո կատարեք կամ ստացեք փոխանցումը։ Հաճախ օգտագործվող կոնտակները կարող եք ավելացնել Ընկերների ցուցակում։ Անցանկալի հարցումները կարող եք կասեցնել՝ ուղարկող կոնտակտը գրանցելով Սև ցուցակում։ Նոր ծառայությունը հասանելի է ArCa պրոցեսինգային հարթակում սպասարկվող բանկերի թողարկած քարտեր գրանցած օգտատերերի համար։ Նոր ծառայությունը ավտոմատ ակտիվացած է էլ․փոստով փոխանցման համար։ Հեռախոսահամարի միջոցով ծառայության ակտիվացման համար Փոխանցում կոնտակտներով կարգավորումների բաժնում մուտքագրեք հեռախոսահամարը, ստացեք մեկանգամյա կոդը և մուտքագրեք այն։

Վերջերս Xiaomi-ն ներկայացրեց Mi 11 սմարթֆոնը և ոչ մի տեղեկություն չկա Ultra տարբերակի մասին: Սակայն համացանցում հայտնվել է 10 րոպեանոց վիդեո, որտեղ ցուցադրվում է այս սմարթֆոնը: Վիդեոն հետագայում ջնջվել է, սակայն հասցրել է արդեն տարածվել համացանցում: Հեռախոսի հիմնական տեսախցիկն ունի 3 մոդուլանի (50 ՄՊ, 48 ՄՊ և 48 ՄՊ) տեսախցիկ, որն ունի 120X զում:

Տեսանյութում երևում է նաև, որ այս սմարթֆոնը հետևի մասում ունի փոքր տեսախցիկ, որտեղ ցուցադրվում է սմարթֆոնի հիմնական էկրանը:

Դա կարող է օգտագործվել օրինակ հիմնական տեսախցիկով նկարելու դեպքում, որպեսզի նկարվողը տեսնի իրեն: Կամ հատուկ հարմարեցված պատյանի դեպքում այդ անցքով կերևա էկրանը:

Վերջերս մի հետաքրքիր դեպք է տեղի ունեցել ԱՄՆ-ում: Օնլայն դատալսումներից մեկի ժամանակ փաստաբաններից մեկը պատահաբար Zoom-ի վիդեոկոնֆերանսին միացել է կատվի ֆիլտրով ու չի կարողացել անջատել այն: Նա խոսակցության ընթացքում վստահեցնում է, որ կատու չի :D

Samsung ընկերությունը ներկայացրեց միջին դասի Galaxy M12 սմարթֆոնը, որն ունի 6.5 դյույմանոց Infinity-V էկրան (1600×720): Սմարթֆոնի էկրանի վերևի մասում կաթիլաձև կտրվածքի մեջ տեղադրված է 8 Մպ առջևի տեսախցիկը: Իսկ ահա հիմնական տեսախցիկը 4 մոդուլանի է՝ 48 Մպ հիմնական, 5 Մպ լայնանկյուն, 2 Մպ խորության սենսոր և 2 Մպ մակրոմոդուլ:

Նոր սմարթֆոնի գլխավոր առանձնահատկություններից է 6000 մԱ/ժ մարտկոցը, որը լիցքավորվում է 15 Վտ հզորությամբ: Մարտկոցը բավականացնում է 58 ժամ խոսելու, 24 ժամ ինտերնետ կայքեր բացելու, 23 ժամ վիդեո նայելու և 110 ժամ երաժշտություն լսելու համար:

Galaxy M12 սմարթֆոնն աշխատում է 8 միջուկանի 2.0 Գհց պրոցեսորով: Սմարթֆոնը հասանելի է 3/4/6 ԳԲ օպերատիվ և 32/64/128 ԳԲ ներքին հիշողություններով: Հնարավորություն կա նաև հիշողությունը ավելացնել microSD քարտի հաշվին: Սմարթֆոնն աշխատում է 2 SIM քարտով: Սմարթֆոնի վրա տեղադրված է Android 11-ով աշխատող One UI 3.0:

Epic Games-ն այս շաբաթ նվիրում է Metro: Last Light Redux և For The King խաղերը, որոնք Ձեր գրադարանում ավելացնելուց հետո կարող եք անվերջ խաղալ: Խաղերը կարող եք անվճար ավելացնել Ձեր գրադարանում մինչև փետրվարի 11-ը:

Xiaomi ընկերությունը ցուցադրեց նոր հեռախոսի նախատիպ, որի էկրանը բոլոր կողմերում 88° կոր է («ջրվեժ»): Սմարթֆոնի կողմերի վրա ոչ մի կոճակ ու բնիկ չկա: Առայժմ պարզ չի,թե ինչ պլաններ ունի Xiaomi-ն այսպիսի սմարթֆոնի հետ կապված: Փետրվարի 8-ին Xiaomi-ն մեծ ցուցադրություն ունի և հավանական է, որ այս սմարթֆոնի մասին ևս տեղեկություններ հաղորդվեն:

Boston Dynamics ընկերությունը հրապարակել է նոր տեսահոլովակ, որտեղ ցուցադրվում է Spot ռոբոտի «ձեռքը»: Ռոբոտն իր նոր ձեռքով կարողանում է հավաքել շրջակա միջավայրի աղբը, սեղմել կոճակներ, փորձել հողը, նկարել կավիճով, բացել դռներ և այլն: Հիշեցնեմ, որ այս ռոբոտներն արդեն զանգվածային արտադրության են հանված:

Իլոն Մասկի Neuralink ընկերությունը կապիկի գանգի մեջ տեղադրել է միկրոչիպ, ինչի շնորհիվ կապիկը կարողանում է ուղեղով խաղալ համակարգչային խաղեր: Մասկը խոստանում է մի ամսից վիդեո հրապարակել: Հիշեցնեմ, որ այս տեխնոլոգիան մի քանի ամիս առաջ փորձարկվեց խոզերի վրա ու հնարավոր եղավ այդ կենդանիների ուղեղներից կարդալ ինֆորմացիա: 

Neuralink տեխնոլոգիայի նպատակը սահմանափակ հնարավորություններ ունեցող մարդկանց գլխի մեջ չիպեր տեղադրելն է, ինչը բարակ լարերով կապ է հաստատում ուղեղի հետ ու անլար տեխնոլոգիայով ինֆորմացիա է փոխանցում կամ ստանում արտաքին սարքերից: Օրինակ նախատեսվում է միանգամից երաժշտությունը հասցնել ուղեղին կամ մարդու մտքով կառավարել շրջակա միջավայրը (վարել էլեկտրական մեքենաներ, խաղալ վիդեոխաղեր և այլն):

Այս հավելվածները թույլ է տալիս ցուցադրել մարտկոցի լիցքի աստիճանը: Հավելվածներից ոմանք աշխատում են միայն որոշակի մոդելների համար, սակայն կան նաև ունիվերսալ հավելվածներ: 

Կարգավորումներով հնարավոր է փոխել շրջանակի գույնը, հաստությունը, դիրքը և այլն: Որոշ հավելվածներում հնարավոր է նաև ընտրել տեսախցիկի կտրվածքի տեսքը: