Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Ներկայացվեց Assassin’s Creed Valhalla խաղի թրեյլերը

Ներկայացվեց Assassin’s Creed Valhalla խաղի թրեյլերը


Ubisoft ընկերությունը պաշտոնապես ներկայացրեց Assassin’s Creed խաղի հերթական մասը, որը կոչվելու է Assassin’s Creed Valhalla: Խաղի այս մասը նվիրված է վիկինգներին: 

Ubisoft-ը ներկայացրեց այս ինֆորմացիան բավականին հետաքրքիր ձևով. մի քանի ժամանոց լայվ հեռարձակման ժամանակ հայտնի ինտերնետ նկարիչ BossLogic-ը գրաֆիկական ծրագրով նկարում էր խաղի պաստառը:



 Նոր Assassin’s Creed խաղի վրա աշխատել են Ubisoft Montreal և 14 այլ ստուդիաներ:
Ինչպես YouTube-ից և այլ կայքերից ներբեռնել mp3 երգեր անմիջապես iPhone-ի մեջ

Ինչպես YouTube-ից և այլ կայքերից ներբեռնել mp3 երգեր անմիջապես iPhone-ի մեջ


Քանի որ iOS-ի ֆայլային համակարգը փակ է և ունի մի շարք սահմանափակումներ, այդ պատճառով iOS-ի սովորական ինտերնետ դիտարկիչները չեն թույլատրում միանգամից բեռնել mp3 ֆայլեր կամ վիդեոներ, իսկ ահա Անդրոիդի դեպքում այս ամենը շատ հեշտ է անել: iOS-ի համար վերջերս գտել եմ մի հետաքրքիր ու օգտակար լուծում, որի մասին ուզում եմ տեղեկացնել: Նշեմ, որ այս մեթոդի իմաստն ու օգտակարությունն այն է, որ համակարգիչ պետք չի գալու:


iOS-ի պաշտոնական App Store-ում կա Aloha անունով հավելված, որը թույլ է տալիս անմիջապես ներբեռնել ֆայլերը iOS-ի մեջ: Այդ ֆայլերը բնականաբար հետագայում հասանելի են լինելու նաև օֆլայն ռեժիմում: Եթե այդ հավելվածով բացեք ցանկացած կայք, որտեղ տեղադրված են mp3 ֆայլերի ուղիղ հղումներ, ապա սեղմելով այդ հղումների վրա ֆայլերը կներբեռնվեն: Նշեմ նաև, որ եթե հղումները սեղմելուց ֆայլերը չեն ներբեռնվում, ապա սեղմած պահեք այդ հղումը և բացված մենյուից ընտրեք ներբեռնելու ֆունկցիան:


Ինչպես արդեն նշեցի, ներբեռնված ֆայլերը հետագայում հասանելի կլինեն օֆլյան ռեժիմում, սակայն այստեղ կա մի սահմանափակում: Այդ ֆայլերը կարող եք գտնել և լսել միայն այս հավելվածի համապատասխան թղթապանակում: 


Կարծում եմ սա այդքան էլ խանգարող հանգամանք չի: Նշեմ նաև, որ երգերը հնարավոր է լսել նաև ֆոնային կամ արգելափակված ռեժիմում: Այսինքն պարտադիր չի, որ Aloha ծրագիրը մնա բացված կամ էկրանը մնա միացրած (ինչպես YouTube հավելվածում):


Քանի որ այս մեթոդը թույլ է տալիս անմիջապես ներբեռնել վիդեոներ և mp3 ֆայլեր, ապա դժվար չի նաև YouTube-ի վիդեոներից ստանալ ուղիղ հղումներ: Ինտերնետում կան բազմաթիվ կայքեր, որոնք թույլ են տալիս ստանալ այդ ուղիղ հղումները (օրինակ https://savefrom.net): Եկեք օրինակի վրա տեսնենք, թե ինչպես YouTube-ի վիդեոյի mp3 երգը ներբեռնել iPhone-ի մեջ:

1. Ներբեռնեք Aloha հավելվածը:
2. iOS-ի YouTube հավելվածում բացեք ցանկացած վիդեո և պատճենահանեք դրա հղումը:



3. Aloha հավելվածով բացեք https://y2mate.com կայքը:
4. Տեղադրեք պատճենված վիդեոյի հասցեն և ստացեք mp3 հղումը:


5. Սեղմեք դրա վրա և ներբեռնեք:



Ներբեռնված ֆայլերը կարող եք գտնել Aloha ծրագրի ներբեռնումների բաժնում:


Եթե միանգամից գիտեք mp3 ֆայլերի ուղիղ հղումներ պարունակող կայքեր (օրինակ z1.fm), ապա այս գործընթացն ավելի է հեշտանում:

1. Aloha հավելվածում բացեք այդ կայքը (օրինակ z1.fm):
2. Գտեք mp3 երգը և ներբեռնեք:


Վերջում գրեմ մի քանի օգտակար կայքեր, որոնցից կարող եք օգտվել:

mp3 ֆայլերի հղումներով կայքեր


YouTube այլ կայքերից վիդեոների ու mp3 երգերի հղումներ գեներացնող կայքեր
Google Meet վիդեոկոնֆերանսի ծառայությունը անվճար է դառնալու բոլորի համար

Google Meet վիդեոկոնֆերանսի ծառայությունը անվճար է դառնալու բոլորի համար


Google ընկերությունը նախատեսոմ է մոտակա շաբաթներում անվճար դարձնել Google Meet վիդեոկոնֆերանսի ծառայությունը բոլոր օգտատերերի համար: Տվյալ պահին այն անվճար է օգտատերերից ոմանց մոտ: Կարող եք բաժանորդագրվել այս էջում և տեղեկանալ, թե երբ այն անվճար կդառնա Ձեզ համար: Google Meet-ի օգտատերերը կարող են անվճար օգտվել բոլոր այն գործառույթներից, որոնցից մինչ այս օգտվում էին G Suite բիզնես հաճախորդները (օրինակ ստեղծել վիդեոզանգեր, էկրանի ցուցադրում և այլն):


Նշեմ նաև, որ այնուամենայնիվ ս.թ. սեպտեմբերից որոշակի սահմանափակումներ կլինեն: Օրինակ անվճար օգտատերերը կկարողանան խոսել 60 րոպե:


Հիշեցնեմ, որ վերջերս Google-ը թարմացրեց Meet ծառայությունը և սկսել ավելի մեծ տեմպով մրցակցել Zoom-ի հետ: Այժմ Google Meet-ում միաժամանակ ցուցադրվում են 16 մասնակիցների վիդեոները: Google Meet ծառայությունը հասանելի է բջջային և վեբ տարբերակներով:
Total War SHOGUN 2 և For The King խաղերը դարձել են անվճար

Total War SHOGUN 2 և For The King խաղերը դարձել են անվճար


Epic Games Store խաղերի լաունչերը շարունակում է ուրախացնել խաղասերներին իր անվճար նվերներով: Այս շաբաթ Epic Games-ը նվիրում է For The King խաղը: Այս ակցիան գործում է մինչև ապրիլի 30-ը: Այս ընթացքում եթե նշված խաղն ավելացնեք Epic Games-ի ձեր գրադարանում, ապա այն հետագայում կարող եք անվճար խաղալ: Steam-ում նույնպես տվյալ պահին կա անվճար դարձած խաղ՝ Total War SHOGUN 2-ը, որը նույնպես կարող եք ավելացնել Ձեր խաղերի գրադարանում և հետագայում անվճար խաղալ:
Skype-ում ավելացել է վիդեոզանգի ընթացքում հետևի ֆոնը փոխելու գործառույթ (Zoom-ի նման)

Skype-ում ավելացել է վիդեոզանգի ընթացքում հետևի ֆոնը փոխելու գործառույթ (Zoom-ի նման)


Microsoft ընկերությունը չի կարողանում համակերպվել այն մտքի հետ, որ վերջին օրերին մեծ տարածում է գտնում Zoom ծրագիրը և ամեն կերպ փորձում է նոր գործառույթներ ավելացնել Skype ծրագրում: Օրեր առաջ գրել էի, որ Skype-ով արդեն կարելի է վիդեոզանգեր կատարել առանց գրանցվելու և որևէ ծրագիր տեղադրելու: Այս անգամ Microsoft-ը որոշել է ավելացնել նաև հետևի ֆոնը փոխելու գործառույթ: 


Հիշեցնեմ, որ մինչ այս Skype-ում հնարավոր էր միայն վիդեոզանգի ընթացքում հետևի ֆոնը որոշակի աղավաղել: Թարմացված Skype-ով օգտատերերը կարող են ընտրել ցանկացած լուսանկար և այն տեղադրել որպես ֆոն:
Fortnite խաղում կայացավ հերթական համերգը, որին մասնակցել են ռեկորդային թվով մարդիկ

Fortnite խաղում կայացավ հերթական համերգը, որին մասնակցել են ռեկորդային թվով մարդիկ


Ապրիլի 24-ին Fortnite խաղում կայացավ Տրեվիս Սքոտի վիրտուալ համերգը, որը դարձավ խաղային պատմության մեջ ամենամասշտաբայինը: Fortnite խաղում համերգին մասնակցել են 12.3 միլիոն օգտատերեր, մոտ 3 միլիոն օգտատեր էլ համերգին հետևել է YouTube-ում և Twitch-ում: Համերգը տևել է 10 րոպե, որի ընթացքում փոխվել է նաև խաղացողների հերոսների գրավիտացիան:



Հիշեցնեմ, որ սա առաջին դեպքը չի, երբ Fortnite խաղում տեղի է ունենում լայնամասշտաբ միջոցառում: Նախորդ տարի այս խաղում տեղի ունեցավ դիջեյ Marshmello-ի համերգը և Star Wars ֆիլմի էպիզոդներից մեկի պրեմիերան:
Ինչպես ներբեռնել և համակարգչով անվճար խաղալ մոտ 40.000 Flash խաղեր

Ինչպես ներբեռնել և համակարգչով անվճար խաղալ մոտ 40.000 Flash խաղեր


Վերջին տարիներին ինտերնետ դիտարկիչները սկսել են պայքարել Flash տեխնոլոգիայի դեմ, քանի որ այն պարունակում է անվտանգության մի շարք խնդիրներ: Սակայն նախորդ տարիներին Flash-ով ստեղծվել են մի շարք խաղեր և անիմացիաներ, առանց որոնց այն ժամանակվա ինտերնետը ձանձրալի կթվար: 



Flash խաղերը պահպանելու համար ստեղծվել է FlashPoint նախագիծը, որտեղ հավաքված են գրեթե բոլոր քիչ թե շատ հայտնի Flash խաղերն ու անիմացիաները: Այս նախագիծը ներառում է նաև այլ տեխնոլոգիաներով պատրաստված խաղեր (Shockwave, HTML5 և այլն):



FlashPoint նախագիծը բաղկացած է երկու տարբերակներից: Առաջին տարբերակը մոտ 241 ԳԲ է, որը արխիվից հանելուց հետո դառնում է 288 ԳԲ: Այս տարբերակը ներբեռնելու դեպքում բոլոր խաղերը հնարավոր է խաղալ առանց ինտերնետի (օֆֆլայն): Այս տարբերակը ներառում է բոլոր խաղերի նկարներն ու լոգոները, ինչպես նաև այլ տեխնոլոգիաներով պատրաստված խաղեր (մոտ 40.000):


FlashPoint-ի երկրորդ տարբերակի ծավալը համեմատաբար փոքր է՝ 296 ՄԲ: Այս տարբերակի դեպքում խաղերը ներբեռնվում են դրանք բացելու ժամանակ: Այս տարբերակը չի ներառում խաղերի լոգոներն ու նկարները, ինչպես նաև այլ տեխնոլոգիաներով ստեղծված խաղերը: Դրանք հնարավոր է ավելացնել ցուցակում ծրագրի գլխավոր էջից:
Call of Duty Modern Warfare և Warzone խաղերում չիտերներին կստիպեն խաղալ իրար դեմ

Call of Duty Modern Warfare և Warzone խաղերում չիտերներին կստիպեն խաղալ իրար դեմ


Call of Duty Warzone անվճար խաղում վերջերս շատացել են չիտերները, ովքեր հատուկ սկրիպտներով կիրառում են տարբեր օգնող հանգամանքներ իրենց խաղերին և հասնում հաղթանակի: Խաղի ստեղծողները վերջերս արգելափակել են ավելի քան 70.000 չիտերների պրոֆիլներ, սակայն դա նրանք շարունակում են նոր պրոֆիլ ստեղծել և նորից խարդախություններ անել: 


Խաղի հեղինակները որոշել են հատուկ մեխանիզմ կիրառել, որպեսզի կասկածելի չիտերները խաղան միայն իրար հետ: Խաղում ավելանալու է նաև հնարավորություն, որպեսզի չիտերի խաղի մասին բողոքող օգտատերը ծանուցում ստանա այդ օգտատիրոջ հետագա արգելափակման մասին: Օգտատերերը կարող են նաև չիտերների դեմ բողոքել սպանվելու վիդեոկրկնությունները դիտելու կամ այլ մարդկանց խաղերը դիտելու ընթացքում:


Եթե ցանկանում եք ինչ-որ չափով խուսափել չիտերներից, ապա կարող եք խաղային կոնսոլում այնպես կարգավորել, որպեսզի խաղաք միայն այլ կոնսոլների օգտատերերի դեմ, ոչ թե համակարգիչների:
Գործարկել է Яндекс.Мессенджер ծառայությունը, որը կարողանում է նաև ձայնային նամակները փոխակերպել տեքստայինի

Գործարկել է Яндекс.Мессенджер ծառայությունը, որը կարողանում է նաև ձայնային նամակները փոխակերպել տեքստայինի


Яндекс ընկերությունը գործարկել է Яндекс.Мессенджер ծառայությունը, որը հասանելի է բջջային և վեբ տարբերակներով: Այս ծառայությունը փաստացի փոխարինել է «Яндекс.Чаты» ծառայությանը: Яндекс-ի պրոֆիլ ունեցող բոլոր օգտատերերն արդեն ավտոմատ գրանցված են Яндекс.Мессенджер-ում:


Яндекс.Мессенджер ծառայությունում օգտատերերը կարող են ուղարկել տեքստային և ձայնային հաղորդագրություններ, կատարել աուդիո և վիդեո զանգեր: Նշեմ, որ ձայնային հաղորդագրությունները SpeechKit տեխնոլոգիայի միջոցով ավտոմատ վերածվում են տեքստայինի: Яндекс.Мессенджер ծառայությունում հնարավոր է նաև վարել կանալներ և հետևորդներին մատուցել անհրաժեշտ ինֆորմացիան:
Microsoft-ը Windows 10-ի համար թողարկել է News Bar էկրանի վիջեթը: Ինչպես տեղադրել

Microsoft-ը Windows 10-ի համար թողարկել է News Bar էկրանի վիջեթը: Ինչպես տեղադրել


Microsoft ընկերությունը Windows 10 օպերացիոն համակարգի համար թողարկել է News Bar վիջեթի բետա տարբերակը, որը 24 ժամյա ռեժիմով էկրանին ցուցադրում է վերջին նորությունները: Վիջեթն աշխատում է ինչպես տեքստային վազող տող ռեժիմով, այնպես էլ պատկերներով: Հնարավորություն կա վիջեթը կարգավորել այնպես, որպեսզի այն տեղադրվի էկրանի 4 կողմերից որևէ մեկում: 


Վիջեթի կարգավորումներում կարող եք ընտրել նորությունների տարածաշրջանը (Հայաստանը տվյալ պահին դեռ չկա, բայց կան ԱՄՆ, Ռուսաստան ու մի շարք այլ երկրներ): Կարող եք նաև այնպես կարգավորել, որ վիջեթում ցուցադրվեն ձեր նախընտրելի ակցիաները:


Ինչպես արդեն նշեցի, վիջեթը տվյալ պահին փորձնական է, այդ պատճառով որոշ օգտատերեր չեն կարողանում այն անմիջապես ներբեռնել Windows Store-ից: Ներբեռնելու համար կատարեք հետևյալ քայլերը:


2.Մուտք գործեք Ձեր Microsoft-ի պրոֆիլ և ավելացրեք վիջեթը զամբյուղի մեջ:

3. Բացեք զամբյուղը և ձեռք բերեք վիջեթը:



4. Windows 10-ում բացեք Store-ը և Ձեր գրադարանից ներբեռնեք վիջեթը: 
Epic Games-ն անվճար նվիրում է Just Cause 4 (30$) և Wheels of Aurelia (10$) խաղերը

Epic Games-ն անվճար նվիրում է Just Cause 4 (30$) և Wheels of Aurelia (10$) խաղերը


Epic Games Store խաղերի լաունչերը շարունակում է ուրախացնել խաղասերներին իր անվճար նվերներով: Այս շաբաթ Epic Games-ը նվիրում է Just Cause 4 և Wheels of Aurelia խաղերը: Նշեմ, որ Just Cause 4 խաղը բավականին թարմ ու հայտնի խաղ է և զարմանալի է, որ այն անվճար է դարձել: Այս ակցիան գործում է մինչև ապրիլի 23-ը: Այս ընթացքում եթե նշված խաղերն ավելացնեք Epic Games-ի ձեր գրադարանում, ապա դրանք հետագայում նույնպես կարող եք անվճար խաղալ: Որպես բոնուս նշեմ, որ Humble Bundle-ում անվճար տրամադրվում է Manual Samuel խաղը ակտիվացման կոդը, որը կարող եք գրել Steam-ում և անվճար խաղալ:
ESET-ը նվիրում է NOD32 անտիվիրուսի 3 ամսվա անվճար լիցենզիա

ESET-ը նվիրում է NOD32 անտիվիրուսի 3 ամսվա անվճար լիցենզիա


ESET ընկերությունը նվիրում է NOD32 անտիվիրուսի 3 ամսվա անվճար լիցենզիա, որը կարող եք տեղադրել միաժամանակ 3 տարբեր համակարգիչների վրա: Պետք է ընդամենը բացել ակցիայի էջը և գրել էլ. փոստի հասցեն:
GitHub-ի բազային ֆունկցիաները դարձել են անվճար բոլորի համար

GitHub-ի բազային ֆունկցիաները դարձել են անվճար բոլորի համար


Microsoft-ին պատկանող GitHub ծառայությունը մեծ նվեր է պատրաստել ծրագրավորողների համար: Վճարովի ծառայության բազային ֆունկցիաները անվճար դարձել են հասանելի բոլոր օգտատերերի համար: Այժմ թիմերը կարող են անվճար աշխատել մի վայրում գտնվող նախագծի վրա: 


Անհատները նույնպես կարող են անսահման քանակությամբ մարդկանց հետ աշխատել: Նախկինում սահմանաչափը երեք անձ էր: Փոխվել են նաև վճարովի ծառայությունների գներն ու ֆունկցիաները:
Ներկայացվեց $399-անոց նոր iPhone SE սմարթֆոնը: «Home» կոճակ, A13 պրոցեսոր, անլար լիցքավորում

Ներկայացվեց $399-անոց նոր iPhone SE սմարթֆոնը: «Home» կոճակ, A13 պրոցեսոր, անլար լիցքավորում



Apple ընկերությունը ներկայացրեց նոր iPhone SE սմարթֆոնը, որը հասանելի է երեք գույներով՝ սև, սպիտակ և կարմիր (PRODUCT RED): Սմարթֆոնի կորպուսը պատրաստված է ալյումինից ու ապակուց: Այս սմարթֆոնն արտաքնապես նման է iPhone 8 շարքի սմարթֆոններին: 


Սմարթֆոնն ունի 4.7 դյույմանոց Retina HD էկրան (True Tone, 326 ppi), որի ներքևում գտնվում է դասական «Home» կոճակը: Այս կոճակի մեջ տեղադրված է մատնահետքի սկաները: iPhone SE սմարթֆոնում տեղադրված է գերհզոր A13 Bionic պրոցեսորը, որով աշխատում են նաև վերջին iPhone 11 և iPhone 11 Pro սմարթֆոնները: 


Նոր սմարթֆոնները լիցքավորվում են ինչպես լարով, այնպես էլ անլար Qi տեխնոլոգիայով: Սմարթֆոններն ունեն ջրի և փոշու պաշտպանություն IP67 ստանդարտով (մինչև 1 մետր, 30 րոպե): Սմարթֆոններն ունեն երկու քարտի հնարավորություն` սովորական և ներդրված eSIM:


Ըստ Apple-ի, iPհone SE-ում տեղադրված է iPhone-ի պատմության մեջ մի մոդուլանի լավագույն տեսախցիկը: Այն լայնանկյուն 12ՄՊ տեսախցիկ է (f/1.8 դիաֆրագմայով, Smart HDR), որն արհեստական բանականության շնորհիվ կարողանում է սկանավորել լուսանկարում հայտնվող օբեյտկենրն ու խորությունը:


Պորտրետ ռեժիմով լուսանկարներ հնարավոր է ստանալ ինչպես առջևի (7 ՄՊ), այնպես էլ հետևի տեսախցիկներով: iPhone SE-ի հիմնական տեսախցիկով հնարավոր է նկարել 4K վիդեո (60 fps):


iPhone SE սմարթֆոնները հասանելի կլինեն 64,128 և 256 ԳԲ տարբերակներով, որոնք կարժենան $399, $450 և $550:
Assassin's Creed II և մի շարք այլ համակարգչային խաղեր տվյալ պահին անվճար են

Assassin's Creed II և մի շարք այլ համակարգչային խաղեր տվյալ պահին անվճար են


Ubisoft ընկերությունը անվճար նվիրում է Assassin's Creed II խաղը, որ տվյալ պահին ձեռք բերելու դեպքում կարող են անվերջ անվճար խաղալ: Ակցիան գործում է մինչև ապրիլի 17-ը: Բացի այդ, Indiegala կայքում նույնպես մի շարք խաղեր դարձել են անվճար: 

Այդ խաղերը ևս կարող եք ավելացնել Ձեր գրադարանում և հետագայում ներբեռնել այնտեղից:
Epic Games-ն անվճար նվիրում է Close to the Sun և Sherlock Holmes խաղերը

Epic Games-ն անվճար նվիրում է Close to the Sun և Sherlock Holmes խաղերը


Epic Games Store խաղերի լաունչերը շարունակում է ուրախացնել խաղասերներին իր անվճար նվերներով: Այս շաբաթ Epic Games-ը նվիրում է Close to the Sun և  Sherlock Holmes Crimes and Punishments խաղերը: Նշեմ, որ այս ակցիան գործում է մինչև ապրիլի 16-ը: Այս ընթացքում եթե նշված խաղերն ավելացնեք Epic Games-ի ձեր գրադարանում, ապա դրանք հետագայում նույնպես կարող եք անվճար խաղալ:
PicsArt-ը սկսում է JavaScript և C++ լեզուների օնլայն անվճար դասընթաց

PicsArt-ը սկսում է JavaScript և C++ լեզուների օնլայն անվճար դասընթաց


Հայկական PicsArt ընկերությունը սկսում է JavaScript և C++ ծրագրավորման լեզուների օնլայն անվճար դասընթաց: Դասընթացներին կարող են մասնակցել բոլոր ցանկացողները: Տվյալ պահին ընթանում է հայերի ընդունման փուլը: Շտապեք գրանցվել:

JavaScript դասընթացի համար 👉 https://bit.ly/3bY8BfX
C++ դասընթացի համար՝ 👉 https://bit.ly/39TrW0m
Ինչպես անել, որ Face ID-ն ճանաչի Ձեզ դիմակով

Ինչպես անել, որ Face ID-ն ճանաչի Ձեզ դիմակով


Քանի օր Apple-ի վերջին սմարթֆոնները չունեն մատնահետքի սկաներներ և օգտատերերի մեծ մասը օգտվում են դեմքի ճանաչման ֆունկցիայից, ապա վերջին դեպքերի հետ կապված կարող են առաջանել սմարթֆոնները ապաարգելափակելո հետ կապված խնդիրներ: Դիմակով դեմքը ճանաչելու համար օտատերերը գտել են մի հետաքրքիր հնարք:

1. Բացեք «Settings» → «Face ID & Passcode»:
2. Սեղմեք «Reset Face ID»:
3. Սեղմեք «Set Up Face ID»:
4. Դիմակը կիսով չափ ծալեք և սկանավորեք դեմքը:
Ճապոնիայում ուսանողների փոխարեն դիպլոմներ են ստացել ռոբոտները (տեսանյութ)

Ճապոնիայում ուսանողների փոխարեն դիպլոմներ են ստացել ռոբոտները (տեսանյութ)


Ճապոնիայի համալսարաններից մեկում զվարճալի ու հետաքրքիր ձև են գտել կորոնավիրուսի ժամանակաշրջանում ուսանողներին դիպլոմների հանձնելու համար: Նրանք հատուկ ռոբոտների գլխներին տեղադրել են մեծ պլանշետներ, որոնց վրա միացված են եղել ուսանողների վիդեոզանգերը: Դասախոսները դիպլոմները տվել են ռոբոտներին ու նկարվել նրանց հետ:
3DsMax, V-ray և Photoshop-ի հայերեն անվճար 30 վիդեոդասեր

3DsMax, V-ray և Photoshop-ի հայերեն անվճար 30 վիդեոդասեր


Արսեն Ավոյան օգտատիրոջ YouTube-ի ալիքում կարող եք գտնել 3DsMax ծրագրի հայերեն 37 անվճար վիդեոդասեր, որոնցից յուրաքանչյուրի տևողությունը մոտ մեկ ժամ է: Եթե ցանկանում եք սովորել 3DsMax ծրագրի հմտությունները, ապա սա հիանալի առիթ է:
Ինչ է Zoombombing-ը և ինչպես պաշտպանվել դրանից

Ինչ է Zoombombing-ը և ինչպես պաշտպանվել դրանից


Կորոնավիրուսի հետ կապված վերջերս բազմաթիվ ուսումնական հաստատություններ սկսել են Zoom ծրագրով վիդեոզանգեր կատարել, ինչի շնորհիվ այս ծրագրի ճանաչումն ու եկամուտները զգալի աճ են գրանցել: Սակայն ամեն ինչ այդքան էլ հեշտ չի: Բանն այն է, որ ծրագիրն ունի խոցելի տեղեր, ինչից օգտվելով անծանոթները միանում են վիդեոզանգերին և այնտեղ ցուցադրում անցանկալի վիդեոներ: Այս երևույթը ստացել է Zoombombing անվանումը և մի շարք երկրներում արդեն սկսել են սրա դեմ կտրուկ քայլերի դիմել: Օրինակ Նյու Յորքի դպրոցներն արդեն հրաժարվել են Zoom ծրագրից օգտվել, իսկ որոշ նահանգներում նախատեսվում է խիստ պատժել նմանատիպ արարքի հեղինակներին:


Համացանցում կան նաև տարածված ծրագրեր, որոնք ավտոմատ կարողանում են գտնել Zoom-ի բաց ID-ներով վիդեոզանգեր և միանալ դրանց:

Zoom ծրագրի հեղինակները նույնպես անմասն չեն մնացել այս խնդրից ու վերջերս փոխել են ծրագրի կարգավորումներն այնպես, որ ավտոմատ միանում է «սպասողների սենյակ» գործառույթը, որտեղ զանգի կազմակերպիչը հերթով պետք է հաստատի մասնակիցներին: Ավտոմատ միացել է նաև «գաղտնաբառի» անհրաժեշտությունը: Այս պարամետրերը հնարավոր է փոխել կարգավորումներում: Նախկինում դրանք անջատված էին: Zoombombing-ից պաշտպանվելու համար համոզվեք, որ վիդեոզանգն այնպես եք կարգավորել, որպեսզի անծանոթ մարդիկ չկարողանան միանալ զանգին:
Subscribe to: Posts (Atom)