Armblog.net

Հաճախակի տրվող հարցեր

«Ո՞վ է ուզում դառնալ միլիոնատեր» խաղի երկրորդ տարբերակը

Նոր խաղ Android-ի համար: ArmHang

Լսեք հայկական ռադիոկայաններն օնլայն: ArmRadio

Վաստակեք իրական գումար՝ ինտերնետ կայքեր այցելելով

Լսեք հայկական և արտասահմանյան ռադիոկայաններն օնլայն ռեժիմով

Հայաստանում աշխատանք գտնելու կայքերի ամբողջական ցանկ

Չափեք Ձեր ինտերնետի արագությունը

Ֆեյսբուքի հայկական էջերի վարկանիշային աղյուսակ

Վիրուսների ստեղծման և տարածման սիմուլյատոր Plague Inc խաղն այժմ թոփերում է

Տարիներ առաջ թողարկված Plague Inc խաղը վերջերս դարձել է Չինաստանի և մի շարք երկրների ամենահայտնի խաղերից մեկը:

Բանն այն է, որ այս խաղն իրենից ներկայացնում է վիրուսների ստեղծման և տարածման սիմուլյատոր և վերջերս Չինաստանում տարածված 2019-nCoV կորոնավիրուսի հետևանքով բազմաթիվ օգտատերերի սկսել է հետաքրքրել այս խաղը:

Խաղի հեղինակները նույնիսկ հայտարարություն են տարածել, որ սա պարզապես խաղ է, այլ ոչ թե գիտական մոդել և վիրուսների մասին ավելի հստակ ինֆորմացիա ստանալու համար պետք է օգտվել պաշտոնական աղբյուրներից:

Այս հավելվածը թույլ է տալիս վիդեո նկարել iPhone-ի երկու տեսախցիկներով միաժամանակ

Filmic ընկերությունը թողարկել է DoubleTake հավելվածը, որը թույլ է տալիս վիդեո նկարել iPhone-ի երկու տեսախցիկներով միաժամանակ: Այս հավելվածի աշխատանքն առաջին անգամ ցուցադրվել էր iPhone 11-ի պրեզենտացիայի ժամանակ:

Նկարված վիդեոները հնարավոր է դնել կողք կողքի կամ իրար վրա (picture in picture): Նշեմ նաև, որ հնարավորություն կա նաև ընտրել տեսախցիկների միջև:

Այսինքն կարող եք ընտրել առջևի տեսախցիկն ու հետևի տեսախցիկներից մեկը: Հավելվածն աշխատում է iOS 13-ով աշխատող iPhone XR, XS, XS Max, 11, 11 Pro և 11 Pro Max սմարթֆոնների վրա:

Մաթեմատիկական հավասարումներ լուծող հավելված Microsoft-ի կողմից

Microsoft ընկերությունը թողարկել է արհեստական բանականությամբ աշխատող Math Solver հավելվածը, որը նախատեսված է մաթեմատիկական հավասարումներ լուծելու համար:

Պատասխանից բացի հավելվածը ցուցադրում է նաև լուծման քայլերը: Հավելվածի մեջ հավասարումներ հնարավոր է գրել ինչպես ներդրված հաշվիչի միջոցով, այնպես էլ ձեռքով: Բացի այդ, հնարարավոր է սմարթֆոնի տեսախցիկով սկանավորել հավասարումը:

Math Solver հավելվածը օգտատիրոջը ցուցադրում է լուծման մի քանի եղանակներ: Հավելվածը ներառում է նաև սովորեցնող նյութեր և վիդեոդասեր (տարբեր լեզուներով):

Cyberpunk 2077 խաղի թողարկումը հետաձգվել է 5 ամսով

CD Projekt RED ընկերությունը հայտնել է, որ Cyberpunk 2077 խաղը չի թողարկվի նախօրոք պլանավորված ամսաթվին՝ ապրիլի 16-ին, այլ կթողարկվի սեպտեմբերի 17-ին: Պատճառն այն է, որ խաղի հեղինակներն ուզում են ավելի կատարյալ խաղ ստանալ և ցանկանում են այս ընթացքում բոլոր հնարավոր թերությունները շտկեն:

Հիշեցնեմ, որ այս խաղը հասանելի է լինելու PC, Xbox One և PS4 կոնսոլների համար:

Microsoft-ը թողարկեց Chromium-ով աշխատող Edge դիտարկիչը

Microsoft ընկերությունը պաշտոնապես թողարկել է Chromium միջուկով աշխատող Edge ինտերնետ դիտարկչի վերջնական տարբերակը, որն հասանելի է Windows, MacOS, Android և iOS համակարգերի համար: Այս թարմացված դիտարկիչը ավելի արագ ու ճկուն է աշխատում, ինչպես նաև ունի մի շարք նոր գործառույթներ:

Դիտարկչի վրա հնարավոր է նաև տեղադրել Chrome-ի համար նախատեսված հավելվածները:

Ներբեռնել

Այսօրվանից Microsoft-ը դադարեցնում է Windows 7-ի ընդլայնված անվճար սպասարկումը

2020թ. հունվարի 14-ից Microsoft-ը դադարեցնում է Windows 7-ի ընդլայնված անվճար սպասարկումը: Հիշեցնեմ, որ հիմնական սպասարկումը դադարեցվել էր դեռևս 2015 թվականի հունվարի 13-ին: Նշեմ նաև, որ իրավաբանական անձինք դեռևս կարող են օգտվել վճարովի ընդլայնված սպասարկումից մինչև 2023 թվական հունվարը: Windows 7-ի սպասարկման դադարեցումը նշանակում է, որ այլևս չեն թողարկվելու թարմացումներ ու կրիտիկական սխալների շտկումներ: Microsoft-ը խորհուրդ է տալիս Windows 7-ի օգտատերերին անցում կատարել Windows 10-ի, սակայն, եթե դուք չեք ցանկանում հրաժարվել Windows 7-ից, ապա կարող եք շարունակել օգտվել:

Սպասարկման դադարեցումը չի ենթադրում, որ այլևս Windows 7-ը չի աշխատելու: Ըստ վիճակագրական տվյալների, Windows 7-ով այժմ աշխատում են ավելի քան 440 միլիոն համակարգիչներ: