Հոկտեմբերի 3-ին jspenguin2017 օգտատերը GitHub-ում տեղեկացրել էր, որ Nano Defender հավելվածը վաճառել է թուրք ծրագրավորողների: Դեռևս այն ժամանակ մի շարք ծրագրավորողներ անհանգստություն հայտնեցին, թե ինչու է վաճառել անհայտ մարդկանց, ով է հետևելու կոդին և ինչու են նրանք ջնջել «Անվտանգության կանոնադրության» ֆայլը:
Այսպիսով Nano Defender-ը գնելուց հետո թուրքերը թողարկել են 15.0.0.206 տարբերակը, որտեղ թաքցրել են GitHub-ում բացակայող ծրագրային կոդ, որը հավաքում է օգտատիրոջ մի շարք տվյալներ և ուղարկում է թուրք հեղինակներին (ip հասցե, ինտերնետ տրաֆիկ, բացվող կայքերի հասցեները. վեբ հարցման պարունակությունը և այլն): Այսինքն այս հավելվածը դարձել է թաքնված ինտերնետային լրտես, որը հավաքագրում է տվյալներ:
Ծրագրավորողների համայնքն արդեն իր դժգոհությունն է հայտնել այս կապակցությամբ: Հատկապես մեղադրում են հավելվածի նախկին տիրոջը, ով վաճառել է հավելվածը կասկածելի մարդկանց: Հավելվածի վրա աշխատող մնացած ծրագրավորողները բողոքում են նաև, որ վաճառքի գումարն ամբողջությամբ իրեն է վերցրել հեղինակը, սակայն նրանք նույնպես ժամանակ են ծախսել այս հավելվածը լավացնելու համար:
Տվյալ պահին հավելվածը ջնջված է Google Chrome-ի հավելվածների խանութից, սակայն եթե նախկինում դիտմամբ կամ պատահաբար տեղադրել եք այս հավելվածը, ապա այն շարունակելու է գողանալ Ձեր տվյալները: Նշվում է, որ Firefox-ի համանուն հավելվածը պատկանում է այլ մարդու և այնտեղ անհանգստանալու կարիք չկա:
Chrome-ում հավելվածների ցանկը տսենելու համար հասցեի դաշտում գրեք chrome://extensions: Խորհուրդ եմ տալիս այդ էջից ջնջեք կասկածելի հավելվածները: Իսկ եթե ունեք Nano Defender հավելվածը, ապա անպայման ջնջեք:
CityBugs համակարգի վրա ստեղծել է Sahman.in հարթակը, որը թույլ է տալիս ՀՀ քարտեզի վրա ավելացնել արցախցիների կամ թիկունքի տվյալ պահի կարիքները: Սա ապակենտրոնացված ցանց է, որտեղ մարդիկ կամ կազմակերպությունները օգնում են իրար առանց միջնորդի:
Կարիքի բավարարումն իր վրա կվերցնի այդ պահին կարիքը բավարարել ունակ քաղաքացին կամ կազմակերպությունը, կամ պետական ու տեղական ինքնակառավարման մարմինը:
Սրանով մարդիկ ու համապատասխան մարմինները կարող են օգնել կարիքավորին՝ հաղթահարելու այս կամ այն խնդիրը արագ և արդյունավետ: Կարիքի բավարարումից հետո անձը որպես դրա բավարարման ապացույց տեղադրում է համապատասխան ծառայության իրականացման կամ ապրանքը տեղ հասցնելու նկարը, ապա փակում կարիքը, որից հետո կարիք բացած մարդն ուղղակի ընդունում է ապրանքը կամ մատուցված ծառայությունը:
Սոցցանցերում մեծ տարածում է գտել Snapchat-ի Anime Style ֆիլտրով ստեղծված լուսանկարները: Այս նոր ֆիլտրը իրական ժամանակ մարդկանց դեմքերը դարձնում է անիմե:
Օգտատերերը համացանցում տեղադրում են ոչ միայն իրենց անիմե տարբերակները, այլև հայտնի մարդկանց լուսանկարների ու վիդեոների վրա են փորձարկում այս ֆիլտրը: Հետաքրքիր է, որ այս ֆիլտրն աշխատում է նաև կենդանիների և մուլտֆիլմի հերոսների վրա:
Xbox Series X և Series S խաղային կոնսոլների նախապատվերները մեկնարկել են սեպտեմբերի 22-ին, սակայն PlayStation 5-ի նման կոնսոլների քանակը ժամերի (որոշ խանութներում րոպեների) ընթացքում սպառվեց: Նույնիսկ Microsoft-ի օնլայն խանութի կայքն էր խափանումներով աշխատում: Xbox Series X և Series S կոնսոլները ազատ վաճառքի կհայտնվեն նոյեմբերի 10-ից:
Մի հետաքրքիր դեպք ևս նշեմ: Օգտատերերի մեծ մասը խառնել են նոր սերնդի Xbox Series X կոնսոլի անունը հին մոդելի՝ Xbox One X-ի հետ և սխալմամբ պատվիրել են հին կոնսոլը: Օրինակ Amazon-ում Xbox One X-ի վարկանիշը բարելավվել է 747%-ով՝ 2804-ից բարձրացել է 331-րդ հորիզոնական:
Huami ընկերությունը ներկայացրեց Amazfit Band 5 սմարթ թևնոցը, որը փաստացի հանդիսանում է Mi Band 5 թևնոցի թարմաված տարբերակը ԱՄՆ շուկայի համար: Այս թևնոցում ավելացել է արյան մեջ թթվածնի հագեցվածությունը չափող գործառույթ: Թևնոցում ներդրված է նաև Amazon Alexa ձայնային օգնականը: Մնացած բոլոր պարամետրերով ու արտաքին տեսքով թևնոցը չի տարբերվում Mi Band 5-ից: Թևնոցն արժի 45$ և վաճառվում է Ամազոնում:
Apple ընկերությունը թողարկել է iOS 14, iPadOS 14, tvOS 14 և watchOS 7 օպերացիոն համակարգերի ստաբիլ գլոբալ տարբերակը բոլոր օգտատերերի համար: iOS օպերացիոն համակարգ կարող են թարմացնել հետևյալ սմարթֆոններ ունեցողները:
Sony-ն երեկ ցուցադրեց PlayStation 5 խաղային կոնսոլի մի քանի նոր խաղերի թրեյլերներ: Շնորհանդեսի վերջում երկու կարևոր իրադարձություն տեղի ունեցավ: Նախևառաջ ցուցադրվեց, որ PlayStation Plus նոր կամ ակտիվ բաժանորդները կկարողանան խաղալ տասնյակ թոփ խաղեր անվճար: Դրանց թվում են The Last of Us, God of War, Batman, Detroit, Uncharted 4 և այլն:
Երկրորդ կարևոր ինֆորմացիան վերաբերում է PlayStation 5-ի գներին և վաճառքի մեկնարկին: Այսպիսով PlayStation 5 կոնսոլը ԱՄՆ-ում կարժենա 499 դոլար, իսկ առանց սկավառակով տարբերակը՝ 399 դոլար: Տեղեկացնեմ, որ այս տարբերակը տեխնիկական պարամետրերով ոչնչով չի տարբերվում ավագ մոդելից:
Իսկ ահա Xbox-ի դեպքում Series S մոդելը բավականին տարբերվում է Series X մոդելից, այդ պատճառով այն համեմատաբար էժան է թե Series X-ից, թե PlayStation Digital-ից:
PlayStation 5-ը բացելու է նաև PlayStation 4-ի համար թողարկված գրեթե բոլոր խաղերը: PlayStation 5-ի վաճառքը մի քանի երկրներում կմեկնարկի նոյեմբերի 12-ից, իսկ մնացած երկրներում նոյեմբերի 19-ից: Նշեմ նաև, որ սկզբնական շրջանում ոչ բոլոր ցանկացողները կկարողանան ձեռք բերել, քանի որ քանակը սահմանափակ է ու խաղասերների հետաքրքրությունը մեծ:
