Armblog.net

Հաճախակի տրվող հարցեր

«Ո՞վ է ուզում դառնալ միլիոնատեր» խաղի երկրորդ տարբերակը

Նոր խաղ Android-ի համար: ArmHang

Լսեք հայկական ռադիոկայաններն օնլայն: ArmRadio

Վաստակեք իրական գումար՝ ինտերնետ կայքեր այցելելով

Լսեք հայկական և արտասահմանյան ռադիոկայաններն օնլայն ռեժիմով

Հայաստանում աշխատանք գտնելու կայքերի ամբողջական ցանկ

Չափեք Ձեր ինտերնետի արագությունը

Ֆեյսբուքի հայկական էջերի վարկանիշային աղյուսակ

Ներկայացվեցին Huawei P30 և P30 Pro սմարթֆոնները

Huawei ընկերությունը ներկայացրեց P30 և P30 Pro սմարթֆոնները: P30-ն ունի 6.1 դյույմանոց (2340×1080) OLED էկրան, 8 միջուկանի Kirin 980 պրոցեսոր, 6ԳԲ օպերատիվ և 128ԳԲ ներքին հիշողություն, 3650 մԱ/ժ մարտկոց, 40ՄՊ+16ՄՊ+8ՄՊ հիմնական և 32ՄՊ առջևի տեսախցիկ:

Ի տարբերություն P30 Pro-ի, P30-ը ունի 3.5մմմ ականջակալների բնիկ, սակայն չունի ջրի և փոշու պաշտպանություն:

P30 Pro սմարթֆոնն ունի 6.47 դյույմանոց (2340×1080) OLED էկրան, 8 միջուկանի Kirin 980 պրոցեսոր, 8ԳԲ օպերատիվ և 128ԳԲ/256ԳԲ/512ԳԲ ներքին հիշողություն, 4200 մԱ/ժ մարտկոց, 40ՄՊ+20ՄՊ+8ՄՊ հիմնական և 32ՄՊ առջևի տեսախցիկ: P30 Pro սմարթֆոնը հետնամասում ունի նաև հատուկ ToF տեսախցիկ, որը պատասխանատու է օբյեկտների խորությունը որոշելու համար:

P30 Pro սմարթֆոնները հնարավոր է նաև անլար լիցքավորել Qi տեխնոլոգիայով: Հնարավորություն կա նաև այս սմարթֆոնով լիցքավորել այլ սարքեր (ականջակալներ, սմարթ ժամացույցներ և այլն): Սմարթֆոնների մատնահետքի սկաներն ու զանգերի դինամիկը ներդրված են էկրանի մեջ:

Xiaomi-ին հաջողվել է 4000 մԱ/ժ մարտկոցը լիցքավորել 17 րոպեում

Xiaomi ընկերությունը ներկայացրեց 100 Վատտանոց լիցքավորման նոր տեխնոլոգիա, որը նախատեսված է բջջային հեռախոսներն արագ լիցքավորելու համար: 4000 մԱ/ժ մարտկոցով սմարթֆոնն այս տեխնոլոգիայով լիցքավորվում է ընդամենը 17 րոպեում:

Համեմատության համար նշեմ, որ նախկին ռեկորդակիր OPPO սմարթֆոնի 3700 մԱ/ժ մարտկոցը նույն ժամանակում լիցքավորվում է 65%: Xiaomi-ն առայժմ չի հայտնում ոչ մի տեխնիկական մանրամասներ, թե ինչպես է կարողացել հասնել այսպիսի արդյունքի:

Google-ի բոլոր փակված ծառայությունների «գերեզմանոցը»

Google ընկերությունը շարունակում է ստեղծել նոր ծառայություններ և միաժամանակ փակել հները: Հետաքրքիրն այն է, որ երբեմն փակվող ծառայություններն այդքան էլ վատը չեն ու հազարավոր մարդիկ օգտվում են դրանցից: Օրինակ մի քանի օրից կդադարի գործել Google+ սոցցանցն ու հասցեների պարզեցման goo.gl ծառայությունը: Այս առիթով համացանցում է հայտնվել Killed by Google կայքը, որտեղ տեղադրված են Google-ի փակված կամ փակվող ծառայությունները, դրանց ամսաթվերն ու Wikipedia-ի հասցեները:

Բացել կայքը

ՔԱՎԱՐԱՆ: Առեղծվածային վայր Հայաստանում

Google-ի նոր Doodle-ը թույլ է տալիս ստեղծել Բախի ոճին համապատասխան ստեղծագործություններ

Յոհան Սեբաստիան Բախի ծննդյան առթիվ Google ընկերությունը ստեղծել է ինտերակտիվ Doodle, որի միջոցով օգտատերերը կարող են ստեղծել իրենց ստեղծագործությունները: Հետաքրքիրն այն է, որ սա հանդիսանում է մեքենայական ուսուցմամբ աշխատող առաջին Doodle-ը:

Օգտատերերին առաջարկվում է տեղադրել համապտասխան նոտաները և արդյունքում ստանալ Բախի ոճին համապատասխան ստեղծագործություն:

Բացել կայքը

Nvidia-ի այս գործիքով կարող եք լուսանկարի վրայից հեշտությամբ հեռացնել անցանկալի օբյեկտները

Մեքենայական ուսուցմամբ աշխատող Nvidia-ի գործիքը թույլ է տալիս լուսանկարի վրա մոտավոր նշել անցանկալի օբյեկտը և այն ավտոմատ հեռացնել: Բնականաբար, օբյեկտը հեռացնելուց հետո գործիքն ինքնուրույն որոշում է, թե ինչպես լրացնի դատարկ հատվածը, որպեսզի այն հնարավորինս քիչ աչքի ընկնի:

Բլոգի նախորդ գրառումներից մեկում տեղադրել էի նաև լուսանկարի հետևի ֆոնը ջնջող գործիք, ինչը նույնպես աշխատում է մեքենայական ուսուցմամբ: Այս երկու գործիքները համադրելով կարող եք առանց մասնագիտական գիտելիքների հեշտությամբ մշակել Ձեր լուսանկարները:

Բացել կայքը

Google-ը ներկայացրեց խաղերի սթրիմինգի Stadia ծառայությունը

Google ընկերությունը որոշել է անմասն չմնալ խաղերի սթրիմինգի ոլորտից և ներկայացրեց իր նոր Stadia ծառայությունը: Այս ծառայության միջոցով օգտատերերը կարող են տարբեր սարքերի վրա (սմարթֆոն, նոթբուք, հեռուստացույց և այլն) խաղալ ժամանակակից հզոր խաղերը:

Սթրիմինգի իմաստն այն է, որ խաղերը հարկավոր չի ներբեռնել և բացել օգտատիրոջ սարքի վրա: Դրանք աշխատեցվում են Google-ի հզոր համակարգիչների վրա, իսկ պատկերը ցուցադրվում է օգտատիրոջ սարքի վրա:

Google-ը մտադիր է այս ծառայությունը առաջխաղացնել YouTube-ի և խաղերի բլոգգերների միջոցով: Օրինակ YouTube-ում տեղադրված սթրիմի տակ կհայտնի կոճակ, որի վրա սեղմելով միանգամից կբացվի խաղը:

Այս ծառայության հետ մեկտեղ Google-ը ներկայացրեց նաև նոր խաղային ջոյսթիք, որն արտաքնապես նման է Playstation-ի ու XBox-ի ջոյսթիքների խառնուրդին: Այս ջոյսթիքն աշխատում է Wi Fi կապով:

Նշեմ, որ Stadia ծառայությունը նորույթ չի և շուկայում ունի մի քանի հզոր մրցակիցներ: Նմանատիպ ծառայություն ունեն Sony-ն և NVIDIA-ն, իսկ Amazon-ն ու Microsoft-ը շուտով նույնպես կթողարկեն խաղերի սթրիմինգի իրենց ծառայությունները:

Apple-ը վաճառքի է հանել երկրորդ սերնդի AirPods ականջակալները

Apple ընկերությունը ներկայացրեց երկրորդ սերնդի AirPod անլար ականջակալները, որոնք աշխատում են Apple H1 պրոցեսորով: Այս ականջակալների նոր պրոցեսորն ապահովում է ձայնի ավելի լավ որակ, արագացնում է սարքերի հետ անլար կապի հաստատումը և 50%-ով երկարացնում է մարտկոցի աշխատանքը:

Նոր ականջակալներում ներդրվել է նաև «Hey, Siri» հրամանի միջոցով Siri ձայնային օգնականը բացելու գործառույթ: Երկրորդ սերնդի AirPod անլար ականջակալներն արտաքնապես ոչնչով չեն տարբերվում նախորդներից:

Apple-ը ներկայացրեց նաև այս ականջալները լիցքավորող նոր քեյս, որն իր հերթին հնարավոր է լիցքավորել անլար Qi տեխնոլոգիայով: Նշեմ, որ ականջակալների լիցքավորման այս նոր քեյսը վաճառվում է նաև առանձին: Երկրորդ սերնդի AirPod անլար ականջակալները նոր քեյսով արժեն $199, հին քեյսով՝ $156: Նոր քեյսն արժի $79:

Instagram-ում հնարավոր կլինի ապրանքներ գնել

Instagram-ում շուտով հասանելի կլինի «Chekout» գործառույթը, որի միջոցով օգտատերերը կարող են օնլայն գնումներ կատարել միանգամից Instagram-ի հավելվածի մեջ: Այս ծառայությունով կատարված գնումների դիմաց Instagram-ը տոկոսներ է ստանալու խանութներից: «Chekout» գործառույթի փակ փորձարկմանը մասնակցել են Nike, Adidas, Dior, H&M, Prada, Zara և այլ հայտնի ընկերությունները: Անմիջապես Instagram-ում գնումներ կատարելու համար օգտատերերը պետք է լրացնեն իրենց քարտի տվյալները և առաքման հասցեն:

Նշեմ, որ նախկինում Instagram-ում տեղադրված ապրանքները գնելու համար բացվում էր վաճառողի կայքը, ինչը որոշակի անհարմարություններ էր ստեղծում:

Call of Duty խաղն անվճար հասանելի կլինի iOS և Android սարքերի վրա

Activision ընկերությունը ներկայացրեց Call of Duty խաղի բջջային տարբերակը, որի բետա փորձարկումը կմեկնարկի շուտով: Այս խաղի բետա փորձարկմանը մասնակցելու համար պետք է գրանցվեք Google Play-ում կամ պաշտոնական կայքում:

Խաղի հեղինակները խոստանում են խաղային կոնսոլի մակարդակի գրաֆիկա: Խաղում հասանելի կլինեն Modern Warfare և Black Ops-ի քարտեզները, ինչպես նաև մի քանի խաղային ռեժիմներ: Call of Duty Mobile խաղը հասանելի կլինի անվճար:

Nvidia-ի նոր գործիքը կարողանում է «խզբզոցը» վերածել բնապատկերների

Nvidia ընկերությունը ներկայացրեց մի քանի նորույթներ, որոնցից մեկը մեքենայական ուսուցմամբ աշխատող գրաֆիկական խմբագրիչ է: Այս գործիքում հնարավոր է պարզ գրաֆիկական օբյեկտներով նշել այն վայրերը, որտեղ պետք է վերջնական բնապատկերի վրա լինեն գետերը, սարերը, ջրվեժները և այլ օբյեկտներ:

Այս գործիքն առայժմ հասանելի չի բոլոր ցանկացողների համար, սակայն չի բացառվում, որ մոտ ապագայում այն կհայտնվի համացանցում:

Dropbox-ը թաքուն սահմանափակել է անվճար հասանելի սարքերի քանակը

Dropbox ամպային ծառայությունը պարբերաբար ենթարկվում է փոփոխությունների և հիմնականում դա տեղի է ունենում ի վնաս օգտատերերի: Սկզբնական շրջանում այս ծառայությունը տրամադրում է ֆայլերի վրա ուղիղ հղումներ և ցուցադրում էր html ֆայլերը որպես վեբ կայքեր: Ժամանակի ընթացքում այս գործառույթները հանվեցին և Dropbox-ում տեղադրված ֆայլերն այժմ բացվում են Dropbox-ի մեջ: Պարզվում է, որ վերջերս Dropbox-ում ևս մեկ կարևոր փոփոխություն է տեղի ունեցել. այսուհետ օգտատերերը կարող են Dropbox-ին անվճար կապել երեք սարքեր:

Այն օգտատերերը, ովքեր մինչ այս հասցրել են կապել 3-ից ավելի սարքեր, ապա նրանք կարող են շարունակել օգտվել Dropbox-ից, սակայն հետագայում այլևս չեն կարող ավելացնել նոր սարքեր (կամ էլ պետք է ջնջեն եղած սարքերից մեկը և միացնեն նորը): Նշեմ, որ այս սահմանափակումը վերաբերում է միայն այն օգտատերերին, ովքեր բաժանորդագրված չեն Dropbox-ի վճարովի փաթեթներին:

Firefox Send նոր ծառայության միջոցով կարող եք մինչև 2.5ԳԲ ծավալով ֆայլեր ուղարկել

Mozilla ընկերությունը բոլոր օգտատերերի համար հասանելի է դարձրել նախկինում փակ փորփարկման փուլում գտնվող Firefox Send ծառայությունը, որը նախատեսված է ֆայլերի փոխանակման համար: Այս ծառայությունը թույլատրում է շատ արագ ուղարկել մինչև 1ԳԲ ծավակ ունեցող ֆայլեր: Սակայն, եթե անվճար գրանցվեք և մուտք գործեք Mozilla-ի պրոֆիլ, ապա այս սահմանափակումը կդառնա 2.5ԳԲ:

Ժամանակակից էլեկտրոնային փոստերը հիմնականում չեն թույլատրում մեծ ծավալով ֆայլեր ուղարկել և առաջարկում են ֆայլերը տեղադրել ամպային սերվերների վրա (օրինակ Google Drive): Սակայն մեծ ծավալով ֆայլերի արագ փոխանակման համար հիմնականում ամպային ծառայություններից այդքան էլ նպատակահարմար չի օգտվել: Firefox Send-ը երաշխավորում է, որ ուղարկվող ֆայլերը կոդավորվում են և հուսալի պաշտպանվում են:

Firefox Send-ով ֆայլ ուղարկելու համար պետք է ընդամենը բացել այս կայքը և նշել ուղարկվող ֆայլը: Օգտատերերը կարող են նաև ընտրել, թե քանի անգամ կարող է այդ ֆայլը ներբեռնվել կամ քանի օր է այդ ֆայլի հղումը հասանելի լինելու: Նշեմ նաև, որ պարտադիր չի, որպեսզի ֆայլ ուղարկող և ստացող օգտատերերը գրանցված լինեն Firefox Send ծառայությունում:

Բացել կայքը

Ներկայացվեց Aladdin ֆիլմի նոր թրեյլերը

Համացանցում հայտնվել են Galaxy S10-ի էկրանի նկարներ, որոնք ընդգծում կամ թաքցնում են տեսախցիկները

reddit կայքի S10wallpapers կանալում օգտատերերը սկսել են տեղադրել հետաքրքիր էկրանի նկարներ, որոնք նախատեսված են վերջերս ներկայացված Galaxy S10 սմարթֆոնների համար:

Հիշեցնեմ, որ Galaxy S10 և S10e սմարթֆոնների առջևի տեսախցիկը տեղադրված է էկրանի վերևի աջ անկյունում գտնվող կլորակի մեջ, իսկ ահա Galaxy S10+ սմարթֆոնների դեպքում երկու տեսախցիկները տեղադրված են օվալաձև շրջանակի մեջ:

reddit-ում տեղադրված էկրանի նկարները ավելի են ընդգծում տեսախցիկների անցքերը, իսկ որոշ նկարներ նաև ինչ-որ կերպ թաքցնում են այդ անցքերը:

Ինչպես Ձեր Playstation 4-ի խաղերը խաղալ iPhone-ի կամ iPad-ի վրա

PlayStation 4 խաղային համակարգի հերթական 6.50 ծրագրային թարմացումը թույլ է տալիս iOS սարքերով խաղալ Playstation 4-ի վրա եղած խաղերը: Դրա համար պետք է: Այնուհետև պետք PS4-ի կարգավորումնեում միացնել Remote Play-ը (Settings▶Remote Play Connection Settings▶Add Device): Այնուհետև սմարթֆոնի մեջ պետք է ներբեռնել Remote Play հավելվածը և այն բացելով հետևել հրահանգներին: Նշեմ, որ այս գործառույթը հասանելի է միայն այն դեպքում, երբ PS4-ն ու սմարթֆոնը կպած են նույն Wi-Fi ցանցին: Հիշեցնեմ, որ PS4-ի խաղերը հնարավոր է նաև հեռարձակել համակարգիչների վրա:

Viber-ում նույնպես հայտնվել է «մուգ ռեժիմ»

Viber-ի Անդրոիդ հավելվածում ավելացել է «Dark Mode» միացնելու կարգավորում, որը ծրագրի ինտերֆեյսը դարձնում է սև: Այս ռեժիմն ավելի քիչ էներգիա է օգտագործում և մթության մեջ խնայում է օգտատիրոջ աչքերը: iOS տարբերակում «Dark Mode»-ը կհայտնվի հաջորդ թարմացման ժամանակ: Հիշեցնեմ, որ Messenger-ում նմանատիպ ռեժիմ հայտնվել էր մի քանի օր առաջ: Այն ակտիցացնելու մասին կարդացեք այս գրառումը:

Կարճամետրաժ ֆիլմ: Թումանյանը

Ինչպես ակտիվացնել Messenger-ի թաքնված «սև ռեժիմը»

Facebook-ը Messenger-ում ավելացրել է «սև ռեժիմ», որը միացնելու դեպքում Messenger-ը ինտերֆեյսը դառնում է սև գույնի: Այս ռեժիմն առայժմ գտնվում է փորձարկման փուլում ու թաքնված է օգտատերերի համար: Սակայն համացանցի օգտատերերը գտել են մի հնարք, որի միջոցով հնարավոր է ակտիվացնել այս ռեժիմը:

Անհրաժեշտ է ընդամենը բացել Messenger-ը և ընկերներից որևէ մեկին ուղարկել լուսնի էմոջին 🌙: Այնուհետև պետք է սեղմել ուղարկված լուսնի վրա: Այս քայլերից հետո Messenger-ի վերևի հատվածում կհայտնվի «սև ռեժիմն» ակտիվացնելու մասին ծանուցում: Հետագայում «սև ռեժիմը» հնարավոր կլինի անջատել կամ միացնել Messenger-ի կարգավորումներում: