Ներկայացվեց ամենաբարակ Samsung սմարթֆոնը՝ Galaxy A8-ը
Ամսաթիվ
Samsung ընկերությունը թողարկել է Galaxy A8 նոր սմարթֆոնը, որը տվյալ պահին հանդիսանում է ամենաբարակ Samsung հեռախոսը: Galaxy A8-ն ունի մետաղյա կորպուս և 5.7 դյույմանոց Full HD էկրան: Սմարթֆոնի վրա տեղադրված է Snapdragon 615 պրոցեսոր, որը բաղկացած է 8 միջուկից: Հեռախոսի օպերատիվ հիշողությունը 2Գբ է, իսկ ներքինը՝ 16 կամ 32 Գբ: Հնարավորություն կա նաև շատացնել հիշողությունը microSD քարտի շնորհիվ:
Սմարթֆոնի հետևի մասում տեղադրված է 16 մեգապիկսելանոց տեսախցիկ, իսկ առջևի մասում՝ 5Մպ: Սմարթֆոնն ունի նաև NFC մոդուլ և մատնահետքի սենսոր: Galaxy A8 սմարթֆոնի մարտկոցը 3050 մԱ/ժ է: Սմարթֆոնի արտաքին չափսերն են՝ 158 х 76,8 х 5,9 մմ և կշռում է 151 գրամ: Այս նոր սմարթֆոնը սկզբնական շրջանում վաճառվելու է Չինաստանում և կարժենա 560$:
