Google-ն արդեն պատասխանում է ոչ մինչև վերջ գրված հարցերին
Ամսաթիվ
Google ընկերությունը կատարելագործել է որոնման արդյունքների արագ ցուցադրման ֆունկցիան: Այժմ որոնման արդյունքը ցուցադրվում է նույնիսկ այն դեպքում, երբ օգտատերն այն ամբողջությամբ չի հավաքել: Օրինակ՝ եթե գրեք «when did Paul», ապա Google-ը միանգամից կցուցադրի November 30, 2013, որը հայտնի կինոդերասան Paul Walker-ի մահվան ամսաթիվն է: Այս նոր գործառույթը խնայում է ոչ միայն ժամանակ, այլև ինտերնետ տրաֆիկ: Սա օգտակար է հատկապես բջջային հեռախոսների վրա: Բնականաբար, այս գործառույթն աշխատում է միայն այն հարցումների դեպքում, որոնց պատասխաններն ակնհայտ են ու կարճ: Հիմնականում այս հարցումները կապված են ամսաթվերի հետ: Այս նոր ֆունկցիան կարող եք փորձարկել Chrome դիտարկչում կամ iOS և Android համակարգերի Google հավելվածում:
