Թողարկվեց «Яндекс.Перевод» հավելվածը Windows Phone-ի համար

Ամսաթիվ 19/02/2014 թ.

«Яндекс» ընկերությունը թողարկեց «Яндекс.Перевод» թարգմանիչը Windows Phone հեռախոսների համար: Տվյալ պահին ծրագիրը ներառում է ավելի քան 30 լեզու և թարգմանում է մինչև 10.000 սիմվոլ ունեցող տեքստեր: Ծրագրի հիմնական առավելություններից է տեքստի սինխրոն թարգմանումը՝ այն հավաքելու ընթացքում, լեզվի ավոմատ որոշումը և թարգմանության պատմության պահպանումը: Տվյալ պահին Windows Phone-ի համար նախատեսված «Яндекс.Перевод» հավելվածը կարող է արտասանել բառեր կամ արտահայտություններ 17 լեզուներով: Նշեմ, որ թարգմանության համար պահանջվում է ինտերնետի առկայություն, իսկ արդեն թարգմանված տեքստերը հասանելի են առանց ինտերնետի: Հիշեցնեմ, որ բացի այս հավելվածից, Яндекс-ը ունի նաև մի շարք այլ հավելվածներ Windows Phone-ի համար («Яндекс.Карты», «Навигатор», «Электрички», «Диск» և այլն): Հավելվածը կարող եք ներբեռնել Windows Phone հավելվածների խանութից: