Windows-ի հաջորդ տարբերակը կներկայացվի հունիսի 26-ին և անվճար հասանելի կլինի Windows Store-ում
Ամսաթիվ
Microsoft ընկերության մարկետինգի բաժնի տնօրեն Տամի Ռելլերը հայտարարել է, որ Windows-ի հաջորդ տարբերակը պաշտոնապես կունենա Windows 8.1 անունը: Այն նախկինում պայմանականորեն կոչվում էր Windows Blue: Նշվում է նաև, որ Windows 8-ի օգտատերերը կարող են Windows Store-ի միջոցով անվճար թարմացնել ընթացիկ համակարգը և տեղադրել Windows 8.1: Նոր համակարգում ներառված են ինտերֆեյսի մի շարք փոփոխություններ, սակայն ավելի մանրամասն տվյալներ դեռևս չեն նշվում: Windows 8.1-ը հանրությանը կներկայացվի ս.թ. հունիսի 26-ին:
