Ինչպես տեղադրել հայերեն ստեղնաշար iPhone/iPad սարքերի վրա

Ամսաթիվ 27/02/2013 թ.

Երևի բոլորդ էլ գիտեք, որ Apple ընկերության կողմից արտադրվող iPhone և iPad համակարգերում բացակայում է հայերեն ստեղնաշարը: Այդ բացթողումը հնարավոր է լրացնել հավելյար ծրագրերի տեղադրմամբ: Սակայն նմանատիպ ծրագրերը թույլ չեն տալիս այլ միջավայրերում տեսնել հայերեն ստեղնաշարը: Օրինակ App Store-ում գտնվող Arm Keyboard ծրագրով հայերեն տառերով գրելու համար անհրաժեշտ է բացել այդ ծրագիրը, գրել հայերեն տառեր, այնուհետև պատճենել տեքստը, որից հետո բացել մեկ այլ ծրագիր ու տեղադրել նախորդ քայլում պատճենված տեքստը: Ինչպես տեսնում եք սա բավականին անհարմար ու ժամանակատար պրոցես է:

Ի ուրախություն հայ օգտատերերի, վերջերս հայտնաբերել եմ հայերեն տառերով գրելու ավելի հեշտ ու արդյունավետ միջոց: Հնարքի էությունը կայանում է նրանում, որ տեղադրում ենք հայերեն տառերով ստեղնաշար iOS-ում գտնվող տասնյակ ստեղնաշարերից որևէ մեկի փոխարեն: Այս մեթոդն ունի միայն մի թերություն (եթե կարելի է դա թերություն անվանել): Այն աշխատելու է միայն Jailbreak արած սարքերի վրա: Եթե Ձեր սարքը Jailbreak արած չի, ապա այցելեք այս կայքը ու քայլ առ քայլ տեսեք, թե ինչպես կարող եք Jailbreak անել ու տեղադրել Cydia ծրագիրը (կայքում նաև կարող եք ծանոթանալ Jailbreak-ի առավելություններին և թերություններին): Jailbreak անելուց հետո կատարեք հետևյալ քայլերը:

1. Մտեք Settings, հետո General, հետո Keyboard

2. Սեղմեք Keyboards, հետո Add New Keyboard: Ընտրեք ձեզ համար որևէ անպետք լեզու՝ օրինակ Tibetan: Այս լեզվի ստեղնաշարի փոխարեն հետագայում տեղադրվելու է հայերեն ստեղնաշարը: Արդյունքում պետք է ունենաք երկու ստեղնաշար (հիմնականը և նախորդ քայլում ընտրածը):

3. Բացեք Cydia ծրագիրը: Մտեք Sources բաժինը: Սեղմեք Edit, հետո Add: Գրեք http://repo.hackyouriphone.org ու սեղնեք Add Source:

4. Բացեք Cydia ծրագրի Search բաժինը ու փնտրեք 5 Row Customizable Keyboard: Սեղմեք այդ ծրագրի վրա և բացված էջում սեղմեք Install:

5. Եթե դեռ չունեք տեղադրված Arm Keyboard անվճար ծրագիրը, ապա մտեք App Store և տեղադրեք:

6. Մտեք Settings բաժինը և կտեսնեք 5RowKeyboard ծրագրի կարգավորումները: Arm Keyboard ծրագրով գրեք տառերը ու տող առ տող պատճենահանեք 5RowKeyboard ծրագրի կարգավորումներում: Արդյունքում պետք է ունենաք այսպիսի պատկեր՝

Վերջում այդ կարգավորումների էջում սեղմեք Update and Respring ու ռեստարտ արեք սարքը: Ռեստարտից հետո կտեսնեք, որ 2-րդ քայլում ավելացրած ստեղնաշարի փոխարեն այժմ հայտնվել է հայերեն ստեղնաշար: Ցանկացած ծրագրում կարող եք սեղմել ստեղնաշարի վրա գտնվող գլոբուսի նշանը և անմիջապես փոխել լեզուն (անգլերեն, ռուսերեն, հայերեն և այլն): Եթե այնուամենայնիվ Ձեզ մոտ չի ստացվում ու ցանկանում եք ջնջել հետևանքները, ապա Cydia ծրագրի Installed բաժնից ջնջեք 5 Row Keyboard ծրագիրը:

Հավանեցի՞ր, դե տեղեկացրու ընկերներիդ,
կարդա նաև նմանատիպ գրառումները 😊

9 մեկնաբ.:

Art ArmFebruary 28, 2013 at 10:34 PM
Joxovurd es verjin nkari meji pakagicneri mej ushadrutyun darcreq... Ete shat tarer eq grum mi toxum tenc rusakan kam urish lezvi tarer en linum... Orinak arajin toxum piti lini 11 hat tar, erkrordum 12 hat. Ushadir exeq te qani tar eq grum amen mi toxum. Sax chishta arac nkari mej!
VAROMarch 7, 2013 at 10:24 AM
Արմեն ջա՛ն,իսկ ինչպե՞ս կարելի ա հայերեն ստեղնաշարը տեղադրել Windows Mobile-ում:
UnknownMarch 8, 2013 at 1:09 PM
Bayc rusereni texna hayeren grum
VAROMarch 13, 2013 at 11:44 AM
Արմեն ջա՛ն,կարո՞ղ ենք հայերենը Windows mobile-ում տեղադրենք:
UnknownMarch 19, 2013 at 7:33 PM
Joxovurd jan sax der asacov anum em bayc tareri kes@ chka, uremn klavyaturayi araji tox@ ruserena. ekrord tox@ sinvolnerna isk mnacac@ nor kisat hayerena, inch anem?
VAROMarch 23, 2013 at 3:03 PM
Ո՞նց կարող ենք Windows Mobile-ում հայերեն գցել...
VAROMarch 23, 2013 at 3:04 PM
Ոնց կարող եմ Windows Mobile-ում հայերեն գցել....
UnknownMarch 24, 2013 at 11:49 PM
ios 6.1.3-@ Jalbreak vonc anem? chi linum......