Android-ը գրավել է սմարթֆոնների շուկայի 70%-ը

Ամսաթիվ 01/02/2013 թ.

Նախորդ տարվա չորորդ եռամսյակը յուրահատուկ էր այն առումով, որ սմարթֆոնների պատմության մեջ առաջին անգամ միայն երկու պլատֆորմաները միասին զբաղեցրեցին շուկայի 92.1%-ը: Խոսքը գնում է Android և Apple iOS համակարգերի մասին: 2012թ. չորորդ եռամսյակում առաջատարը Android-ն է, որը զբաղեցնում է սմարթֆոնների շուկայի 70.1%-ը: Android-ի աճը 1 տարվա մեջ կազմել է 18.8%: iOS-ի մասնաբաժինը նախորդ տարվա հետ համեմատած նվազել է 1.6%-ով և կազմում է 22%: Փաստորեն BlackBerry, Symbian, Windows Phone և մնացած այլ համակարգերի շուկայական բաժինները զգալի նվազել են և միասին կազմում են 7.9%: Երևի հենց սա էր պատճառը, որ Նոկիան այլևս չի թողարկելու Symbian համակարգով աշխատող սմարթֆոններ: