Ինչպես հեռակառավարել անհատական համակարգիչը iPad-ի և iPhone-ի միջոցով

Ամսաթիվ 24/08/2012 թ.

Երբեմն ստեղծվում են պարագաներ, երբ գտնվում եք հեռու տան համակարգչից և ցանկանում եք աշխատել կամ կարևոր տվյալներ որոնել այդ համակարգչի վրա: Ինֆորմացիոն տեխնոլոգիաները մեր օրերում այնքան են զարգացել, որ անհատական համակարգիչները կարող եք ղեկավարել նաև կիլոմետրերով հեռավորության վրա՝ օգտագործելով այլ համակարգիչներ կամ բջջային հեռախոսներ: Այլ համակարգչի միջոցով մյուս համակարգիչը կառավարելու մասին բլոգում արդեն խոսել եմ, այդ պատճառով այսօր կանդրադառնամ միայն iOS համակարգով աշխատող սարքերի (iPhone, iPad) միջոցով անհատական համակարգիչները հեռակառավարելուն:

Համակարգչի կարգավորումներ

1. Այցելեք այս կայքը և գրանցվեք:

2. Ներբեռնք ծրագիրը և տեղադրեք համակարգչի վրա:

3. Տեղադրելու ընթացքում ընտրեք որևէ գաղտնաբառ:

4. Տեղադրելուց հետո բացեք ծրագիրը:

iPad/iPhone-ի կարգավորումներ:

1.Ներբեռնեք և տեղադրեք այս ծրագիրը iPad/iPhone-ի մեջ:

2.Բացեք ծրագիրը և հեռակառավարեք համակարգիչը:

Կարգավորումներից հետո ցանկացած ժամանակ կարող եք պլանշետի կամ հեռախոսի վրա բացել LogMeIn ծրագիրը ու հեռակառավարել համակարգիչը, եթե իհարկե համակարգիչը միացված է ինտերնետին և LogMeIn ծրագիրը բաց է նաև համակարգչի վրա:

Այս մեթոդով կարող եք նաև ղեկավարել համակարգիչը ցանկացած այլ համակարգչի միջոցով: Դրա համար անհրաժեշտ է մի համակարգչի վրա տեղադրել ու կարգավորել ծրագիրը, իսկ մյուս համակարգչով այցելել logmein.com և կատարել մուտք: Այսինքն ցանկացած ինտերնետ դիտարկչով կարող եք կապ հաստատել մյուս համակարգչի հետ: